Ruben-humor: Ongewone raaisels

* Wat het die beet vir die aartappel gesê?

"Hou op om vir my ogies te maak, jy laat my rooi word van skaamte."

* Wat het die een teesakkie vir die ander teesakkie gesê?

"Hou op om teë te praat, netnou word ons in die warm water gegooi."

* Wat het die een magneet vir die ander magneet gesê?

"Ek vind jou baie aantreklik."

* Wat het die een bord vir die ander bord gesê?

"Die ete is op my.  

Ruben-humor: Vreemde vergelykings

* Hy het hol wange ...

soos 'n toegeslane brood.

* Hy het 'n plooigesig ...

soos 'n merinoskaap.

* Hy het deurskynende ore ...

soos 'n vlakhaas.

* Hy het 'n knopneus ...

soos 'n bakoond.

* Hy het 'n stem ...

soos 'n koffiemeule.

[Hierdie gesegdes kom uit my Petrusburg-dae uit!]

Ruben-humor: Diereraaisels met 'n kinkel

* Wat het 'n spinnekop en 'n spietkop in gemeen?

Albei begin met die letter "S".

* Wat het 'n spinnekop en 'n spietkop in gemeen?

Albei span toue en kruip dan weg om hulle prooi te vang.

* Wat kry jy as jy 'n vampier met 'n vlooi kruis?

Baie bekommerde honde.

* Wat kry jy as jy 'n luislang met pasta kruis?

Spaghetti wat sommer self om jou vurk draai. 

Ruben-humor: Vreemde vergelykings

* Hy is so lank ...

dat as hy nog 'n half duim langer was, dan was hy lewenslank.

* Hy is so kort ...

dat as hy 'n half duim korter was, dan was hy 'n kortsluiting.

* Hy is so vet ...

hy loop nou agter sy maag aan.

* Hy is so maer ...

hy moet tweemaal staan om 'n skaduwee te gooi.

* Hy het sulke skewe tande ...

hy kan 'n appel deur 'n tennisraket eet.

Ruben-humor: Diereraaisels met 'n kinkel

* Hoekom dra 'n hoender sy kam op sy kop?

Hulle dra nie kouse sodat hy dit daarin kan steek nie.

*  Wat kry 'n mens as jy 'n skilpad met 'n hond kruis?

'n Dier wat môre kom as jy hom vandag roep.

* Wat kry 'n mens as jy 'n slang en 'n kangaroe kruis?

'n Springtou.

*  Waar kroon die diere gewoonlik hulle koning?

Op sy kop.

Ruben-humor: Vreemde vergelykings

* Hy is so maer ...
hy moet swart koffie drink om 'n skaduwee te gooi.

* Ek was so verbaas ...

jy kon my omslaan met 'n vaak vis.

* Hy het so vinnig omgedraai ...

dat hy in homself vasgeloop het.

* Hy is so skeel ...

as hy huil, loop die trane teen sy rug af.

* Hy is so maer ...

dat hy moet rondspring in die stort anders val al die druppels hom mis.

Ruben-humor: Diereraaisels met 'n kinkel

* Wat noem jy 'n kreef wat nie in die water is nie?

Aandete.

* Wat het 'n kreef van voor wat 'n bok van agter het?

Die letter "k".

* Wat sê jou ma elke aand vir jou wat 'n hen nooit vir haar kind sê nie?

"Moenie vergeet om jou tande te borsel voor jy gaan slaap nie."

* Wat is erger as 'n reier met rubberbene?

'n Duisendpoot met liddorings.

Ruben-humor: Diereraaisels

* Hoekom loop 'n slang nooit op die teerpad nie?

Omdat hy nie pote het nie.

* Hoekom het kameelperde sulke lang nekke?

Omdat hulle voete so sleg ruik.   

* Wat is erger as 'n bul in 'n glasfabriek?

'n Krimpvarkie in 'n ballonfabriek.

* Watter soort kat kan nie miaau nie?

'n Seekat.

Ruben-humor: Lawwe definisies

* Wat is die definisie van 'n slak?

Dis 'n slymbal met 'n valhelm op.

 

* Wat is die definisie van 'n snor?

Dis 'n bolip wat uitrafel. 

* Wat is die definisie van 'n tiener?

Iemand wat hom soos 'n peuter gedra wanneer hy nie soos 'n grootmens behandel word nie.

* Wat is die definisie van 'n skinderbek?

Dit is 'n persoon wat nooit 'n leuen sal vertel as die waarheid meer kwaad kan aanrig nie.

Ruben-humor: Anderste raaisels

*  Wat kry jy as jy 'n olifant en 'n swaeltjie kruis?

Gebreekte telefoondrade.

* Wat kry jy as jy 'n krokodil en 'n roos kruis?

Iets waaraan jy nie kan ruik nie.

* Wat kry jy as jy 'n piesang en 'n pampoen kruis?

'n Groot, ronde groentesoort wat verskriklik maklik afskil.

* Wat kry jy as jy 'n gorilla met 'n karakoelskaap kruis?

'n Pelsjas met besondere lang moue.   

Ruben-humor: Diereraaisels met 'n kinkel

* Wat sê die krimpvarkie vir die kaktus? 

Is jy my mamma?

* Waar sit 'n mossie wat 'n ton weeg?

Net waar hy wil.

* Waar gaan visse die graagste met vakansie?

Na Finland toe.

* Wat het die een vis vir die ander vis gesê?

Ek sukkel om kop bo water te hou.

Ruben-humor: Anderste diereraaisels

* Wat kry jy as jy 'n vark met 'n sebra kruis?

Gestreepte worsies. 

* Wat kry jy as jy 'n hond met 'n kameelperd kruis?

'n Dier wat mense oor mure byt.

* Wat kry jy as jy 'n muishond met 'n missiel kruis?

'n Stinkbom.

* Wat kry jy as jy 'n muishond en 'n boemerang kruis?

'n Reuk waarvan jy nie ontslae kan raak nie.

Ruben-humor: Lawwe definisies

* Wat is die definisie van 'n tiener?

Iemand wat alles weet, nie bang is om dit vir die wêreld te vertel nie, maar nie genoeg kennis het om eksamen te skryf nie.

*  Wat is die definisie van 'n kalender?

'n Kaart wat jy volg om by Kersfees uit te kom.

* Wat is die definisie van 'n hond?

'n Vel vol blaf.

* Wat is die definisie van selfvertroue?

Dit is as jy jou Huisgenoot-blokkiesraaisel met pen invul.

Ruben-humor: Diereraaisels met 'n kinkel

* Wat het meer pyn as 'n kameelperd met 'n seer keel?

'n Duisendpoot met wintersvoete.

* Hoe sit 'n olifant sy slurp in 'n krokodil se bek?

Baie baie versigtig.

* Wat is 'n muis se geliefkoosde kar?

'n Muiscedes Benz

* Wat het die een haai vir die ander haai gesê toe die walvis verby hulle swem?

Dis nou 'n feesmaal wat hier verby ons swem.  

Ruben-humor: Anderste raaisels

* Wat kry jy as jy tabak en springmielies kruis?

'n Sigaret wat sy eie as afskud. 

* Wat kry jy as jy 'n houtkapper met 'n kangeroe kruis?

'n Sak met saagsels.

* Wat kry jy as jy 'n hoender met 'n sementmenger kruis?

Iets wat goed bakstene kan lê.

* Wat kry jy as jy 'n leeu met 'n muis kruis?

'n Vaal, klein diertjie met dodelike slagtande.

Ruben-humor: Lawwe definisies

* Wat is die definisie van 'n werkende brandweerwa?

Dit is 'n boorgat op wiele.

* Wat is die definisie van somer?

Dit is die tyd wanneer kinders die deure toeklap wat hulle in die winter oopgelos het.

* Wat is die definisie van 'n optimis?

'n Kalkoen wat twee weke voor Kersfees op die werf rondloop en "moe" sê sodat elkeen dit duidelik kan hoor. 

Ruben-humor: Lawwe definisies

* Wat is die definisie van 'n rosyntjie? 

Dis 'n druiwekorrel wat 'n senuwee-ineenstorting gehad het.

* Wat is die definisie van 'n by?

Dis 'n brommer met 'n rugbytrui aan.

* Wat is die definisie van 'n ambulans?

'n Taxi met diskoligte aan!

* Wat is die definisie van 'n vakansieganger?

Iemand wat baie ver ry om 'n selfie op FB te sit.

Ruben-humor: Anderste raaisels

*  Wat is die vroulike vorm van papaja?

Mamaja

* Wat is die vroulike vorm van appel?

Appelliefie

* Wat is die manlike vorm van Henriëtte?

Haanriëtte

* Wat is die manlike vorm van appel? 

Appelkoos

Ruben-humor: Anderste diereraaisels

* Wat is grys en klein met 'n blou kop?

'n Muis wat sy asem ophou.

* Wat is grys en woon vier meter onder die grond?

'n Groot grys klipvreter.

* Wat is wit met blou strepe en vlieg in die aand rond?

Superman met sy pajamas aan.

* Wat is wit en swart en staan in die hoek?

'n Skaam stoof. 

Ruben-humor: Anderste diereraaisels

* Wat is rooi, rond en klein met blou strepies?

'n Tamatie met blou kruisbande.

* Wat is groen, rond en klein en val kort-kort oor sy eie voete?

'n Ertjie wat te groot is vir sy skoene.

* Wat is swart, klein en loop twee rye spore?

'n Mier wat in 'n wynbottel geval het. 

* Wat is geel en draai in die rondte?

'n Piesang in 'n tuimeldroër.