Aan die vrou wat voel sy kan nie weer opstaan nie,
maar dit tog doen.
Aan die vrou wat voel sy is nie sterk genoeg nie,
maar tog iewers die krag kry.
Aan die vrou wat voel sy wil net huil,
maar tog haar glimlag opsit.
Aan die vrou wat wil opgee,
maar tog die stryd oorwin.
Aan die vrou wat elke dag verskeie struikelblokke oorkom en sterk staan.
Mag jy vandag net weereens jou onskatbare waarde besef.
Gelukkige Vrouedag, want vrouwees is 'n eer!
Showing posts with label Vroue. Show all posts
Showing posts with label Vroue. Show all posts
Wednesday, 9 August 2023
Tuesday, 8 August 2023
Bou my wéér, Here
Ek leef 'n sinkhuislewe.
My geloof is aanmekaar gelap met gate waardeur die twyfelwinde loei.
Die skewe mure van my bietjie-glo-lewe kan enige tyd inmekaar sak.
Bou my wéér, Here.
Grawe die fondamente dieper.
Sit versterkings in en gee my 'n paar lae genadeverf.
Ja, Here, hier is ek ...
Maak my geloof weer n stewig-staan-huis.
En dan plant U voor my hart die bordjie:
"Vir altyd en altyd is sy Myne"
Om jou lewe aan God toe te vertrou beteken nie dat jy jou huis bou waar daar nooit storms sal woed nie, maar dat jy 'n huis bou wat deur geen storm vernietig kan word nie.
Die skewe mure van my bietjie-glo-lewe kan enige tyd inmekaar sak.
Bou my wéér, Here.
Grawe die fondamente dieper.
Sit versterkings in en gee my 'n paar lae genadeverf.
Ja, Here, hier is ek ...
Maak my geloof weer n stewig-staan-huis.
En dan plant U voor my hart die bordjie:
"Vir altyd en altyd is sy Myne"
Om jou lewe aan God toe te vertrou beteken nie dat jy jou huis bou waar daar nooit storms sal woed nie, maar dat jy 'n huis bou wat deur geen storm vernietig kan word nie.
[Anonieme bydra]
Vrouemaand: Elke vrou is uniek
Vrouens is die steunpilaar van die gesin, famillie en ook die gemeenskap. Dikwels offer 'n vrou haar drome op vir haar gesin en in baie gevalle vir haar kinders omdat sy 'n enkelma is. Help jou kinders om hulle drome te vorm, help hulle daaraan bou en dit uitleef, maar moet nooit ophou om jou droom te koester nie. Eendag kan jy jou lewensdroom najaag.
Dit wat in jou hart is en dit wat jy in jou kop het, is wat jou vorentoe sal dryf om jou sukses te bereik.
Sunday, 9 August 2020
Sunday, 14 June 2020
Henry John Heinz
 |
| Lees verder HIER |
Die Henry John Heinz-maatskappy is in 1905 geïnkorporeer, en
tans, meer as honderd jaar later, verkoop dit meer as eenduisend-driehonderd
produkte wêreldwyd, van tamatiesous tot babakos. Maar daar is ander dinge wat
jy moet weet: Henry John Heinz was lief vir Jesus en diep betrokke by die
bevordering van Sondagskool in Pittsburg en oor die wêreld heen.
Sy maatskappy was bekend vir die baanbrekerswerk in veilige
en higiëniese voorbereiding van kos en was sy tyd voor op die gebied van
arbeidsverhoudinge. Hy het gratis mediese voordele, swem- en
gimnasiumfasiliteite gegee, en vroue bevorder tot poste met groter
verantwoordelikheid deur hulle toesighouers te maak. Hy het aansien verwerf vir
die verbetering van werk- en verblyftoestande van sy werkers.
In sy testament het Henry John Heinz gesê: 'Ek het die wens
om ter aanvang van hierdie testament, as die belangrikste punt daarin, die
belydenis van my geloof in Jesus Christus as my Verlosser te stel. Ek het ook
die wens om te getuig van die feit, dat regdeur my lewe, waarin daar ongewone
vreugde en verdriet was, ek op wonderlike wyse ondersteun is deur my geloof in
God deur Jesus Christus. Hierdie nalatenskap kom van my toegewyde moeder, 'n
vrou met sterk geloof en aan wie ek die sukses wat ek behaal het, toeskryf.
Monday, 18 May 2020
Thursday, 6 December 2018
16 DAE VAN AKTIVISME TEEN GEWELD TEEN VROUE EN KINDERS
Die regte van vroue en kinders in Suid-Afrika is in die Nasionale Grondwet vervat en daardeur beskerm. Geweld teen vroue en kinders is ’n ernstige en kommerwekkende probleem in Suid-Afrika.
Dit kom al hoe meer voor in gemeenskappe waar alkohol en dwelms erg misbruik word en werkloosheid toeneem. Hierdie tipe geweld kan verskeie vorme aanneem, onder andere fisiese-, emosionele- en finansiële mishandeling, seksuele aanranding en verkragting.
Mishandeling in enige van hierdie vorme skend menswaardigheid. 16 dae van aktivisme teen geweld teen vroue en kinders is ’n internasionale bewusmakingsveldtog, wat ook fokus op die negatiewe impak van hierdie tipe geweld op die samelewing.
Wednesday, 5 December 2018
Monday, 3 December 2018
WAT KAN EK DOEN OM DIE VELDTOG TE ONDERSTEUN?
Openlike kommunikasie oor geweld wat op geslag gebaseer is en kindergeweld lei tot beter bewustheid van die veldtog. Dit kan gedoen word deur belangrike kontaknommers te memoriseer en sekerheid te hê oor die feite. Suid-Afrikaners kan ook ‘n wit strikkie tydens die 16 dae van aktivisme-veldtog dra, om sodoende hul samewerking en ondersteuning vir die veldtog te wys.
Moedig ook jou skool, kerk, gemeenskapsorganisasies en gemeenskapspolisiëringsforums aan om ’n bewusmakingsveldtog gedurende die 16 dae van aktivisme te hê.
BELANGRIKE KONTAKNOMMERS:
Stop Geslagsgeweld - 0800 150 150
Kinderlyn - 0800 055 555
Men as Partners-projek - 011 833 0504
Nasionale Netwerk oor Geweld teen Vroue - 012 321 4959
Lawyers for Human Rights - 011 339 1960
Suid-Afrikaanse Polisiediens - 10111
HULPBRONNE:
Die volgende bronne kan vir verdere inligting rakende die 16 Dae van Aktivisme- veldtog geraadpleeg word:
www.gcis.gov.za
www.westerncape.gov.za
www.parliament.gov.za
www.unicef.org
www.genderlinks.org.za
Vir meer feite en statistieke besoek die volgende webtuistes:
http://www.unwomen.org/…/ending-violence-…/facts-and-figures
http://www.un.org/en/women/endviolence/situation.shtml
Friday, 30 November 2018
STOP geweld - "Drie hoera’s vir Denver"
“Drie hoera’s vir Denver vertel die aangrypende verhaal van ‘n seuntjie met die naam Denver wat baie mooi kan sing, maar begin hakkel nadat sy ma se kêrel by hulle kom bly. Die storie wys op ‘n deernisvolle manier hoe dinge uiteindelik beter word nadat Denver die moed bymekaarskraap om sy ma en sy sangjuffrou te vertel dat dinge nie reg is by die huis nie.
’n Sensitiewe verhaal wat kinders leer om nie stil te bly of skuldig te voel oor mishandeling nie. Die boek bevat ook praktiese wenke vir kinders en ouers.
Die boek kan gratis in Afrikaans by die volgende skakel afgelaai word:
https://www.lapa.co.za/KH_GratisStudieGidse/Token/ViewInfo/ItemId/27/Drie-Hoeras-vir-Denver-Afrikaans
Thursday, 29 November 2018
Wednesday, 28 November 2018
Badisa-persverklaring: 16 dae van aktivisme
16 DAE VAN AKTIVISME – DIE BELEGGING Lê IN VOORKOMING
Daar kan geen beter openbaring van ‘n samelewing se siel wees as die manier waarop hy sy kinders behandel nie. – Nelson Mandela
Dit is reeds 22 jaar sedert ons eerste demokratiese verkiesing en steeds is die kinders van Suid-Afrika onderworpe aan geweld in hul huise, skole en gemeenskappe wat ‘n lewenslange sosiale en ekonomiese koste vir ons land tot gevolg het.
Met die fokus op die 16 Dae van Aktivisme Veldtog vir Geen Geweld teenoor Vouens en Kinders hierdie week, wil Badisa die feit beklemtoon dat geweld aangeleerde gedrag is wat voorkom kan word.
Badisa, ‘n maatskaplike diensorganisasie wat professionele maatskaplike dienste lewer, het in hulle onlangse jaarverslag melding gemaak van die groeiende probleem van geweld teen kinders. Badisa lewer kinderbeskermingsdienste onder die vaandel van die Kinderwet en vind al hoe meer dat kinders se blootstelling aan ‘n geweldadige samelewing reeds vanaf ’n baie jong ouderdom in hul eie gemeenskappe en gesinne begin. Hierdie blootstelling word vererger deur die geweld wat by skole plaas vind en die feit dat die meeste van die geweldsmisdade op ons kinders deur hulle primêre versorgers gepleeg word.
Gedurende die jaar onder oorsig het Badisa kinderbeskermings- en intervensiedienste aan 26 719 kinders in die Wes-, Suid- en Oos-Kaap gelewer.
Badisa se verslag dui verder daarop dat ons land se huidige kinderbeskermingstelsel weens ’n gebrek aan voldoende finansiële en menslike hulpbronne nie in staat is om in die hoë voorkoms van kinderverwaarlosing en -mishandeling te voorsien nie. Die grootste bydraende faktor is dat kinderbeskermingsdienste tans op reaktiewe dienslewering gefokus is, terwyl dit vroeë intervensie is wat werklik benodig word.
Volgens Ronel van Zyl, Direkteur van Maatskaplike Dienste by Badisa, dra die woede, onverdraagsaamheid en negatiwiteit wat tans in ons land heers, tot die geweld teenoor ons kinders by, juis omdat hulle weerlose en maklike teikens is. Die impak van hierdie geweld strek ook baie verder as die sigbare letsels en lei tot aggressiewe gedrag en verskeie sosiale aanpassingsprobleme later in die kind se lewe. Die psigo-sosiale gevolge dra ook dikwels daartoe by dat hierdie kinders onbetroubare werknemers word, deelneem aan kriminele aktiwiteite en die siklus met hul eie kinders herhaal. Om ‘n kind in pleegsorg te plaas, moet altyd die laaste uitweg wees aangesien dit ook die duurste opsie is. Voorkoming is altyd beter as genesing.
Die rol van die samelewing
Badisa wil gemeenskappe bewus maak daarvan dat geweld teen kinders en vroue nié ‘n regerings- of kriminele aangeleentheid is nie, maar ’n samelewingsprobleem, en die onvermoë van gemeenskappe om dit so in te sien dra dus by tot die probleem. Organisasies soos Badisa, wat ’n geregistreerde NPO is, het talle uitdagings om genoegsame befondsing te bekom. Besighede wat in voorkomingsdienste investeer, help om te voorkom dat kinders in die eerste plek seer kry. ’n Multi-dimensionele benadering versterk dus die proaktiewe faktore.
Die volgende voorstelle word deur die South African Child Gauge aanbeveel:
Ouerskapsprogramme wat reeds gedurende swangerskap begin, gevolg deur ’n reeks tuisbesoeke na geboorte om weerlose moeders asook vaders te ondersteun.
Onderwyseropleiding ten einde ’n veilige skoolomgewing te skep wat proaktief kan teenoor boelies en ander geweldsmisdade kan optree.
Veilige en ondersteunende omgewings vir kinders na skool.
Mentorskapprogramme vir jong volwassenes.
Programme wat geslagsrolle transformeer en kommunikasie- en konflikresolusievaardighede leer.
Veldtogte in die media.
Beleggings in gemeenskapsgebaseerde fasiliteite wat veiligheid bevorder
Wetgewing, beleid, aksieplanne, werkskepping en ekonomiese geleenthede.
Versprei die boodskap op sosiale media deur #16days #WorthYourWealth te gebruik.’n
Voorbeeld van vroeë intervensie dienste word suksesvol deur Badisa se Magdalene tehuis gedemonstreer. Hulle volg die “Eerste Duisend Dae” benadering en voorsien opleiding en ander ondersteuning aan weerlose, swanger vrouens wat aan gevaar blootgestel is weens hul sosio-ekonomiese omstandighede. Hierdie tipe voorkomingsdienste kan tot gesonder swangerskappe, beter ouerskapsvaardighede asook lewens- en entrepeneurskapsvaardighede bydra en sluit ook aannemingsberading in.
Die 16 Dae van Aktivisme teen Geweld teenoor Vroue en Kinders is ’n internasionale bewusmakingsveldtog. Dit vind elke jaar tussen 25 November en 10 Desember plaas. Vir meer inligting oor Badisa, om jou dienste aan te bied of ’n donasie te maak, besoek gerus www.badisa.org.za of stuur ’n e-pos aan info@badisa.org.za
Vir meer inligting, kontak Annemarie Bezuidenhout per e-pos abezuidenhout@badisa.org.za of by 083 708 2049.
Dankie dat ons hierdie artikel en inligting kan deel - dis 'n wêreldwye probleem!
[Bron: https://kaapkerk.co.za/badisa-persverklaring-16-dae-van-aktivisme/]
Tuesday, 27 November 2018
Monday, 26 November 2018
WAT IS DIE DOEL VAN DIE VELDTOG?
Die Verenigde Nasies en die Verenigde Nasies se Vroueliga het 'n tyd terug onder andere die volgende feite en statistieke vrygestel:
• 70 persent vrouens het al ’n mate van fisiese- en/of seksuele geweld in hul leeftyd ervaar. Meestal deur ’n persoon waarmee hulle ’n intieme verhouding het.
• In Suid-Afrika word ’n vrou elke ses uur deur ’n lewensmaat vermoor.
• 603 miljoen vrouens leef vandag steeds in lande waar gesinsgeweld nog nie as ’n misdaad beskou word nie.
• Meer as 700 miljoen vrouens wat vandag leef, was getroud voor die ouderdom van 18 en meer as een uit drie vrouens voor die ouderdom van 15.
• Navorsing uit Afrika-lande, insluitend Suid-Afrika, het bevind dat vrouens wat slagoffers van geweld is ’n hoër risiko het om met MIV besmet te word.
• 80 persent slagoffers van mensehandel is vrouens en kinders.
• Die risiko vir vrouens tussen 15 en 44 jaar is groter om verkrag te word of ’n slagoffer van gesinsgeweld te wees as wat dit is om met kanker of malaria gediagnoseer te word, ‘n oorlog te beleef of selfs in ’n motorongeluk te wees.
Die hoofdoel van die veldtog is dus bewusmaking rakende geweld teen vrouens en kinders in die samelewing en die erns van die kwessie.
Verder poog dit om die verskeie vorme van geweld te indentifiseer en te fokus op die negatiewe impak wat dit op kwesbare groepe het. Die veldtog fokus ook op die positiewe rol wat mans en seuns in hul gemeenskappe, huise en werksplekke kan speel om hierdie tipe geweld the voorkom.
Sunday, 25 November 2018
16 dae van aktivisme ...
Die ironie is dat ons vier hierdie belangrike dae op die kalender, maar in ons wese is ons verrot. Die man gebruik geweld teenoor sy vrou en sy weerlose kinders - hulle is maklike teikens. Waarom haal hy nie sy aggressie teenoor iemand uit wat op sy fisiese vlak is nie?
Die slegte voorbeeld word van geslag na geslag oorgedra en daarom is dit so belangrik dat elkeen sy of haar bydra gedurende hierdie 16 dae moet gee - hierdie bose siklus moet gebreek word - terwille van die toekoms van elke kind.
Kersfees is 'n vreugdefees, 'n Christusfees - sorg dat dit elke dag Kersfees in jou kind se lewe is ... die verskil in my kind se lewe, begin by my!
Saturday, 24 November 2018
WANNEER VIND HIERDIE VELDTOG PLAAS?
Hierdie veldtog vind jaarliks plaas vanaf 25 November tot 10 Desember.
Neem kennis van die volgende belangrike datums tydens hierdie tydperk:
25 November: Wêrelddag vir die Beëindiging van Geweld teen Vroue
(International Day of No Violence against Women)
29 November: Wêrelddag vir vroulike menseregte
(Women Human Rights Defenders Day)
1 Desember: Wêreldvigsdag (World AIDS Day)
3 Desember: Wêrelddag vir Gestremdes (International Day for the Disabled)
10 Desember: Internationale Menseregtedag (International Human Rights Day)
Subscribe to:
Posts (Atom)