Advertensie: Vakante versorgerspos

POSBESKRYWING: 

* Versorging van en toesig oor 27 kinders tussen 4-18 jaar.

* Werksure: 19h00 tot 07h00

VEREISTES: 

* Graad 10-kwalifikasie en vaardig in Afrikaans.

* Bereid om nagskof te werk (4 nafte werk en 4 nagte af).

* Emosioneel volwasse met 'n gesonde leefstyl en goeie morele waardes.

* Moet selfstandig en as deel van 'n span kan werk.

* In staat wees om positiewe dissipline toe te pas.

* ONDERVINDING IN DIE VERSORGING VAN KINDERS IN 'N KINDER- EN JEUGSORGSENTRUM OF 'N KOSHUIS SAL TOT JOU VOORDEEL STREK.

* Moet selfhandhawend wees en onder druk kan funksioneer.

RIG AANSOEKE AAN:

* christinakiddie@lantic.net

* Volledige CV met minstens DRIE verwysing.

* Gesertifiseerde afskrifte van ID en kwalifikasies.

* Vorm 30 uitkoms (Register vir Seksuele Oortreders)

NAVRAE:

Christelle Hattingh - Tel. 053 831 2413

christinakiddie@lantic.net

VERGOEDING:

Salaris sal ooreenkomstig die NML (Nasionale Minimum Loon) bepaal word.

SLUITINGSDATUM:

07 Augustus 2026

Indien jy teen 14 Augustus geen terugvoering ontvang het nie, 

kan jy aanvaar dat jou aansoek onsuksesvol was.

[Klik op advertensie vir 'n duideliker beeld.]

Ruben gesels oor wilde diere langs die pad: Die jagluiperd (Acinonyx jubatus)

Maats, van al die diere in Suid-Afrika is daar seker geen ander dier wat groter gevaar van uitwissing in die oë staar as hierdie vlugvoetige vleiseter nie.

Die jagluiperd is bekend vir die geweldige hoë vaart waarteen hy hardloop. Hulle sterk en skraal geboude liggame stel hulle in staat om tot 120 km/h te hardloop wat hulle die vinnigste diere op land maak. Hoewel die liggaam hoogs gespesialiseerd is vir hoë spoed, het hy min uithouvermoë en is eerder aangepas vir kort afstande. Stormlope is selde meer as 250 tot 300 m.

Die jagluiperd lyk soos 'n groot langbeenkat met 'n kenmerkende hol rug. In verhouding is sy kop klein en sy ore kort. Die wyfies is bietjie kleiner as die mannetjies, met volwassenes wat in lengte van 1,8 m to 2,2 m lank is en 40 kg to 60 kg weeg.

Die opvallende “traanstrepe” (ingeboude sonbrille) wat vanaf die oë al langs die snoet na die bolip loop hou sonlig uit sy oë en kom goed te pas tydens jagtogte of waarneming oor lang afstande. 

Jagluiperds is een van die eksotiese katspesies wat die maklikste is om mak te maak. Hulle teel egter moeilik aan in gevangeneskap.

Die swangerskapperiode kan tot in die omgewing van 92 dae wees, met omtrent 4 welpies wat per werpsel gebore kan word. Die welpies word gebore met ʼn mantel van pels wat van die nek oor die rug hardloop tot by die agterbene en kruis, wat hulle help kamoefleer. Hulle word ook weggesteek in lang gras of onder bosse en blare.

In teenstelling met die ander groot katte in die katfamilie, kan die jagluiperd nie brul nie, maar maak hy ʼn tjirpgeluid as hy opgewonde is. Dit is een van die enigste katspesies wat kloue het wat hulle nie heeltemal kan intrek nie, daarom is die kloue sigbaar in hulle spore.

Jagluiperds jag gewoonlik in die dag, soggens vroeg of laat in die middag - net soms in helder maanlignagte. Die jagluiperd maak gedurende jagtogte eerder op sy sig- as sy reuksintuig staat. Die prooi word binne 'n afstand van 10-30 m bekruip en dan bestorm.

Sodra die prooi gevang is, word die groot prooi versmoor met ʼn byt aan die lugpyp en die klein prooi kan doodgemaak word met ʼn vinnige byt aan die kop. Hulle sal hul prooi gou vreet sodra die dier doodgemaak is, omdat hulle nie hul prooi van ander roofdiere kan beskerm nie. Die eindpunte van die ribbes sal afgeëet wees en die vel, bene en binnegoed sal gelos word. Jagluiperds gaan nooit terug na prooi wat hulle doodgemaak het nie en hulle eet nie die aas van die karkasse af nie.

Die jagluiperd is nie aggressiewe dier nie en is vir baie eeue in Asië makgemaak en gebruik om mee te jag. Die dier is ongelukkig ook so skugter dat hy nie die steeds veranderende omstandighede en steurnisse van die beskawing die hoof kan bied nie.   

* Foto's: Internet

Dr. JJ Malan

Rosetta se Woensdag-wense

In elke nuwe dag

lê nuwe krag.

Mag vandag 

jou siel voed

en jou hart 

met vrede omvou! 

Ruben-idiome: Vleis

* Vleis braai voor jy 'n bok skiet.

Betekenis: Op iets staatmaak voor jy daaroor sekerheid het.

* Iemand 'n pond vleis skuld.

Betekenis: Dit beteken letterlik om iemand baie geld of 'n groot guns te skuld.

* Nog vis nog vlees.

Betekenis: Word gebruik om iets te beskryf wat nie duidelik inpas by 'n spesifieke groep of kategorie nie (iets tussenin, of sonder 'n besliste karakter). 

* Die vleis het 'n krakie.

Betekenis: Dit word gesê wanneer vleis begin sleg word, of wanneer iemand (of iets) nie meer aan die normale standaard voldoen nie. 

Portia's Monday Blessing

Statistiek: Dankie dat 202 000-lesers gereeld kom inloer

Dankie, Maloba!!

Die Maloba-verskil

Klik HIER as jou menswees 'n Maloba-verfkwas nodig het en 

bespreek 'n heerlike wegbreeknaweek!!

Christina Kiddie Kinder- en Jeugsorgsentrum voor die Maloba-towerstaf

'n Foto waar die verskil duidelik uitstaan!

Klik HIER as jou menswees 'n Maloba-verfkwas nodig het en 

bespreek 'n heerlike wegbreeknaweek!!

Ruben-humor: Afluister-grappies

Maats, ek het die volgende grappies gedurende die week op die terrein gehoor. Ek gee dit net so weer.

* Klop klop!

Wie’s daar? 

Sannie. 

Sannie wie? 

Sa-nie-sê- nie. 

* Dokter, dokter, ek sien nie goed met hierdie bril nie. 

Het jy al probeer om hom af te haal?

* Hoekom is koalas nie eintlik bere nie? 

Omdat hulle nie die koalafikasies het nie.

* Het jy gehoor van die twee mense wat 'n kalender gesteel het? 

Hulle het albei ses maande elk gekry.

Die gestuurde engele op ons pad

Talentkonsert - sien jou daar!!

WAT: 'n Talentvertoning soos min

WAAR: Christina Kiddie Kinder- en Jeugsorgsentrum

WANNEER: 18 Julie 2026 om 15:00

Kom ondersteun hierdie eerste talentkonsert - uitstekende talent, pret, plesier, 'n heerlike atmosfeer en talle lekker pryse is op die spel! 

Kom ontspan gerus terwyl die kinders jou gemoed 

'n Saterdag-hupstoot gee!! 

Statistiek: En so bereik ons stil-stil die 200 000-kerf

Ruben se een minuut gedig: Eseltjie ry

Woorde: SAAR ENGELA

Musiek: J. KROMHOUT

Ka-poe-te, ka-poe-te, ka-pat,
die eseltjie ry ná die stad.
Hy pluk aan sy toompie
en sukkel met oompie
en trek sy twee lang ore plat.

Ka-poe-te, ka-poe-te, ka-pout,
maar kyk so ‘n esel is stout!
Toe, roer jou, Jan-dooi,
loop vinnig, loop mooi,
en klaps! kom ‘n raps op die bout!

Ka-poe-te, ka-poe-te, ka-pat,
maar nou laat so ‘n eseltjie spat.
Dit spring en dit skop,
en dit wip agter op,
en Oompie lê plat in die pad!

Bron: HIER

Rosetta se Woensdag-wense

Mag vandag 'n herinnering wees

aan God se

eindelose SEËNINGE.

Mag jy elke oomblik, 

Sy TEENWOORDIGHEID en

LIEFDE aanvoel rondom jou. 

Stap vorentoe met MOED,

want jy is nooit ALLEEN

op hierdie lewensreis nie!

Ruben-idiome: Brood

* Die een se dood is die ander se brood.

Betekenis: Een persoon se ongeluk of verlies hou vir 'n ander persoon 'n geleentheid of voordeel in.

* Wie se brood 'n mens eet, dié se woord jy spreek.

Betekenis: Dit beteken dat jy die persoon wat jou betaal of onderhou, moet ondersteun en nie teen hulle moet praat nie.

* As krummels brood geword het.

Betekenis: Dit word gebruik as iemand iets bereik het en dan dink hy is nou beter as die ander.

* Om iets op jou brood te kry.

Beteken: Om baie verwyte te hoor.

* 'n Mens kan nie van brood alleen lewe nie.

Betekenis: 'n Mens het behoefte aan meer as kos en die alledaagse dinge.

Die naweek het op 'n hoë noot begin met ons Vrydagkuiergaste van Sinothando

Foto's: Christelle Hattingh

Portia's Monday Blessing

'n KJSS-interkuier

Die inwoners is kliphard besig om voor te berei vir vandag 

se pretdag saam met Sinothando Kinder- en Jeugsorgsentrum.

Dis uitknip, inkleur, vasplak en toedraai! 

Elke Sinothando KJSS-inwoner se snack pack is gemerk.

Elke Sinothando-kind kry 'n sagte speelding van ons Kiddies af.

Daar is ook 'n klein sagte speelding vir die Sinothando-tannies!

Foto's: Christelle Hattingh

Vandag was dit koekiebakdag

Met groot entoesiasme en ywer is die koekiebakprojek aangepak.

Party het ongevraagd raad uitgedeel en 

ander het nie gehuiwer om raad te vra nie.

Konsentrasie het konsternasie verhoed!

Die resultaat was dat elkeen sy/haar eie bakkie koekies het, 

netjies verpak soos in 'n winkel. 

 Die personeel het ook elkeen deeg gekry om vir hulle kinders 

koekies te maak. 'n Heerlike dag met bakkies vol soet resultate!

Foto's: Christelle Hattingh 

Kreatiewe kolwyntjieversierings

Vandag het die Kiddies nie net kans gehad om hul kreatiewe talente

met kolwyntjieversiering op die proef te stel nie, maar hulle kon ook die 

tong-tippie-toets doen en hul skeppings eet. 

'n Heerlike Woensdag wat die soettande nie sommer gou sal vergeet nie.  

Rosetta se Woensdag-wense

VREUGDE

kan nie 

BLOM

sonder

DANKBAARHEID nie!!

Ruben-idiome: Brood

* By gebrek aan brood, eet 'n mens maar korsies van pastei.

Betekenis: Dit beteken dat wanneer jou gewone behoeftes of gunsteling-opsies nie beskikbaar is nie, jy tevrede moet wees met wat jy het—selfs al is dit 'n minderwaardige of dalk duurder plaasvervanger.

* Van brood en water alleen lewe.

Betekenis: Die mens kan nie net van fisiese kos alleen lewe nie, maar van die geestelike voeding en leiding wat van God af kom.

* Droë brood eet: 

Betekenis: Dit is 'n uitdrukking wat beteken dat iemand baie arm is.

* Om net van brood en water te lewe.

Betekenis: Om 'n hongerbestaan te voer.

* Iemand se brood uit sy mond neem.

Betekenis: Om iemand se inkomste, werk of bestaan van hom af weg te neem.

'n Hartsbriefie van die Kerk van die Nasarener

Liewe Christelle en al jou pragtige hande. 

Hoé sê ons dankie vir die honderde, tuisgebakte, heerlike koekies waarmee julle die kinders en personeel by die Kinderfees geseën het. Dis weereens so professioneel verpak en boonop verseël met die tema van die Kinderfees. Dit was en is 'n vreugde om julle kindertjies te ontvang en te bedien. 

Die HERE JESUS gaan voort met Sy werking in elkeen se lewe. 

Mag Hy julle ryklik seën en versorg. 

Baie liefde Johan, Annelie, personeel en al die kinders.

Portia's Monday Blessing

Ons simpatie tannie Mittah en Lindiwe ...

Bybelskool: Tree vir tree met Jesus

Soos elke jaar het die Kerk van die Nasarener 'n Vakansie Bybelskool Kinderfees aangebied vir 4- tot 13-jariges. 'n Fees van lekker sing, lekker lag, speletjies, movies, Bybelverhale en heerlike kos het kleur aan die vakansie verleen. Met Tree vir tree met Jesus is die belangrikheid om Jesus elke dag aan jou sy te hê, onderstreep.

'n Uit-die-hart-Kiddies-dankie aan ds. Johan Bothma, Annelie, die personeel en die Bybelfeesleiers van 2026 se Kinderfees vir die beleggings met Ewigheidswaarde wat julle in die Bybelskool-kinders belê.

Kiddies KJSS wil met 320-dankie-sê-koekies vir elkeen wat betrokke was

by die Bybelskool, 'n harts-dankie gee. 

Dankie dat julle altyd aan ons dink.

Dankie dat julle ons elke jaar uitnooi en met ope arms ontvang.

Dankie dat julle ons elke jaar gratis akkommodeer.

Dankie dat die ekstra myle nie te veel gevra is nie.

Mag julle baie seën ontvang.

Verstaan jou buie ...

Al gewonder waarom dit party dae voel of jy sweef, maar ander dae asof 'n donker wolk bokant jou hang? Dis alles een ding se skuld: buie!

Wat is die verskil tussen buie en emosie?

* Emosies is 'n baie spesifieke gevoel:

As jy 'n grilfliek kyk, voel jy bang; as jy 'n lekker speletjie saam met jou maats speel, voel jy gelukkig.

* Maar buie is 'n algemene gevoel: As jy moeg of bekommerd is, voel jy dalk oor die algemeen afferig, as jy lekker geslaap het en uitsien na jou pel se verjaardagpartytjie, voel jy opgewek.

* Buie hou ook baie langer aan as emosies. As jy in 'n goeie bui is, kan jy heeldag so voel, of selfs 'n hele week lank!

Waar kom buie vandaan?
'n Paar goed sit jou in 'n spesifieke bui.

Jy kan maklik in 'n slegte bui raak as:

* Jy moeg is. Jou ouers is reg as hulle sê jy't 'n goeie nagrus nodig.

* Jy gestres is, byvoorbeeld oor jou geskiedenistaak.

* Jy omgekrap is, soos nadat jy en jou ma vasgesit het.

Jy is gewoonlik in 'n goeie bui wanneer jy:

* Uitgerus is. Dit is hoekom jy snags minstens 8-10 uur slaap moet kry.  

* Ontspanne is: Dis naweek en jy hoef nie aan skool te dink nie.

* Nie probleme het nie: Jy kom die laaste tyd goed met jou gesin en pelle oor die weg.

Vir slim huisvrouens: Ontspan saam met jou huismense terwyl Kiddies sorg vir die aandete

Wildspasteie @ R30

Hoenderpasteie @ R30

6 klein hoenderpasteie @ R40

Worsrolle met wilds- & varkmaalvleis @ R30

Ten bate van Christina Kiddie KJSS