Portia's Monday Blessing

'n Ma beteken só baie ...

Daar kom tye 

van vertwyfeling

in iedereen se lewe.

Wanneer aanmoediging nodig is

om 'n ideaal na te strewe.

Wanneer vertroue ontbreek,

is dit elke keer maar moeder, 

wat die hoop laat lewe.

Daar is tye in elkeen se lewe,

wanneer dit goed is om te weet

ander gee wel om.

Al dink mens hul het vergeet ...

Somtyds is daar blydskap

of kommer om te deel ...

Vertel dit aan jou moeder

sy raak tog nooit verveeld.

Daar kom tye van geluk,

vir die menslike verstand te veel,

geluk so allesoorheersend

Jy kan dit skaars beteuel ...

Weereens is dit Moeder

wat alles met jou deel.

[Anoniem]

Resep: Ongekookte fudge

Annette Human sal haar hande saamslaan as sy op ouma Annie se resepteskat afkom. Een ding wat ek sonder teenspraak van ouma kan sê en dit is dat sy nie suinig was met 'n resep nie. Hierdie ongekookte fudge-resep het sy geruil by Friedel Lewis vir haar sjokolade fudge-resep.

Ek deel dit met julle. Maak gerus vir jou kosblik van hierdie beloningsblokkies.

Benodighede:

125 g peperment-sjokolade

90 g (100 ml) regte egte botter

90 g (150 ml) sultanas of korente of enige fyn gesnipperde droë vrugte van jou keuse

90 g (150 ml) gepelde amandels of pekaneute, grof gekap.

5 ml vanieljegeursel

37,5 ml kondensmelk

500 g (950 ml) versiersuiker

1 ekstra-groot eier, geklits

Metode:

* Voer 'n 34 x 27 cm pan uit met waspapier.

* Smelt die peperment-sjokolade en die botter saam.

* Voeg die ander bestanddele, behalwe die eier, by en meng!

* Voeg die eier by en meng goed.

* Skep uit in die voorbereide pan.

* Plaas in die yskasom styf te word en sny in blokkies.

* Bêre in die yskas.

Die resep lewer ongeveer 54 fudgeblokkies. Dis 'n heerlike sagte fudge.

Baie liefde uit 'n warm Noord-Kaap en gaan groot!

Rosetta se Woensdag-wense

"Wees in alles dankbaar, want dit is die wil van God in Christus Jesus oor julle." 

Hierdie vers herinner ons daaraan dat ons midde in ons teenspoed dankbaarheid moet en kan kweek. Dankbaarheid stel ons in staat om die talle maniere te erken waarop God Sy liefde en voorsiening daagliks aan ons openbaar.

Portia's Monday Blessing

Keep walking. Someone's counting on you.

"My name's Pauline. I'm 69. For fifteen years, I walked the same route every morning. Out my door at 6:45 a.m., down Elm Street, through the alley behind the Korean grocery, past the elementary school, and back home. 

Exactly forty-two minutes. Rain or shine.

It wasn't exercise. 

It was escape. 

From my empty house. 

From memories of Tom. 

From the silence that swallowed me whole, if I stayed still too long.

But last month, I twisted my ankle. Doctor said no walking for six weeks. I was devastated. 

But also secretly relieved.

Finally, an excuse to stop. 

Stop pretending the walks helped. 

Stop forcing myself out of bed. 

Just : STOP...

The first week was fine. 

Slept in. 

Watched TV. 

Felt like a vacation.

Second week, my doorbell rang. The Korean grocery owner, Mr. Kim. Looked worried.

"Miss Pauline. You okay ? You sick ?"

"Just a sprained ankle. I'm fine."

He nodded, but didn't leave. "You need anything ? Groceries ?"

"No, thank you." He left. 

Weird, but whatever.

Three days later, the school principal knocked. Mrs. Henderson. I'd never spoken to her in my life. "Ms. Pauline, we wanted to check on you. The crossing guard mentioned you haven't been by."

"I hurt my ankle."

"Oh, thank goodness. We were worried something happened."

"Why would you be worried about me ?"

She looked surprised. "Because, well, you're part of the routine."

I had no idea what she meant.

Next day, an envelope appeared under my door. Inside, a drawing. Crayon. Stick figure with gray hair walking. At the bottom : "Get better soon. Love, Emma (2nd grade)."

I didn't know any Emma.

Then more letters came. 

A card from the alley cat lady I'd never spoken to. 

A note from the mailman. 

The teenager who worked at the Korean grocery. 

All asking if I was okay. All saying they missed seeing me.

I was baffled. I didn't know these people. Never said more than "hello" to any of them.

So I called Mrs. Henderson. "Why does everyone care that I'm not walking ?"

Long pause. "You really don't know ?"

"Know what ?"

"Ms. Pauline, you've been the neighborhood clock for fifteen years. 

Mr. Kim opens his store when he sees you pass. 

The crossing guard knows to head to her post when you walk by. 

Parents know if their kids see you, they're not late for school. 

The alley cat lady feeds the strays right after you walk through. 

You're, you're the signal that the day is starting."

I sat down, stunned.

"And Emma," Mrs. Henderson continued, "she's our anxious one. Scared of school every day. But she stands at the kindergarten fence every morning waiting to see you walk by. Once she sees you, she tells her mom she's ready to go in. You're her bravery trigger. She doesn't know why. But you are !!!"

I couldn't speak.

"We thought you knew," Mrs. Henderson said softly. "That you were doing it on purpose. Being there for us."

But I wasn't. 

I was just existing. 

Surviving. 

Walking to avoid my own loneliness.

Yesterday, my ankle healed. I laced up my shoes. Walked my route.

Mr. Kim waved. 

The crossing guard smiled. 

The alley cat lady nodded. 

And Emma, little Emma I'd never met, pressed her face against the kindergarten fence and yelled, "You're back ! I was so scared you died !"

Her teacher gently corrected her, but Emma ran to the gate. "Can I walk with you tomorrow ? Just to the corner ?"

Her mom, standing nearby, looked at me hopeful ... "Sure," I whispered.

This morning, Emma held my hand for three blocks. Talked nonstop about her pet fish. When we reached her school, she hugged my legs. "Same time tomorrow ?"

"Same time."

I'm 69. 

For fifteen years, I thought I was walking to escape my pain. 

Thought I was invisible. 

Meaningless.

Turns out, I was the thread holding a dozen strangers' mornings together. The rhythm they set their lives by.

And I never knew.

Here's what I learned.

You have no idea what you mean to people. 

The small, ordinary things you do ? 

They might be someone else's only constant. 

Their signal, that the world is still turning.

Their reason to be brave.

So don't stop. 

Don't assume you don't matter. 

Don't think nobody notices.

They do.

And your "just surviving" might be someone else's entire reason to start their day.

Keep walking.

Someone's counting on you.

Even if you'll never know who."

[Published in GansbaaiCourant WhatsApp News on April 25, 2026 - you matter] 

Ruben-humor: Ouma se raaisels

Maats, hier is nog van ouma Annie se raaisels. Die ander raaisels sal ek later weer plaas - hulle is baie moeiliker as ons raaisels. Lekker dink! 

* Raaisel 1

Vier stap in die pad,
Vier hang in die pad,
Een waai vlieë weg,
En twee jaag honde weg.
Wat is dit?

Antwoord: ʼn Koei. (Vier bene, vier spene, een stert, twee horings.)

* Raaisel 2

Wat lyk soos ’n olifant,
is so groot soos ’n olifant,
maar weeg baie minder as ’n olifant?

Antwoord: Oom Olifant se skaduwee.

* Raaisel 3

Ek het ‘n perdjie,
hoe verder ek hom ry,
hoe korter word sy stertjie.

Wat is dit?twoord: Naald en gare.

Gedig vir Werkersdag: Die Hande

Met hande wat bou en werk en vorm,
staan werkers vas in elke storm.
Van vroeg tot laat, met moed en krag,
word daar gedink aan 'n beter dag.
Dankie vir die sweet en die bloed,
julle werk is onskatbaar goed.

Veilige en geseënde Werkersdag! 

[KI-gedig]

Ruben se een minuut storie: Die lelike eendjie

Mamma Eend het op 'n plaas in die droë Noord-Kaap gewoon. Daar het 'n spruitjie deur die breedte van die plaas geloop. En nie ver daarvandaan nie, was 'n dam. Gedurende die reënseisoen het hierdie dam gewoonlik oorgeloop. Hierdie dam was baie belangrik vir Mamma Eend. Sy het gereeld daarin geswem en dis ook hier waar sy haar baba-eendjies vir swemlesse gevat het.

Vroeg vanjaar was daar vyf klein eiers in haar nes en een groot eier. Sy wonder al weke oor hierdie groot eier, maar kon geen antwoord kry nie. Intussen sit sy geduldig op haar nes en wonder hoe die groot eier in haar nes gekom het.

Eendag het die vyf klein eiers begin kraak.
Pik, pik, pik! Vyf mooi, geel baba-eendjies het uitgekom. Eers het hulle hul geel koppies by die eiers uitgesteek, die wêreld bekyk en gewonder of dit veilig is. Alles lyk só anders. Toe sien hulle vir Mamma Eend en hulle klouter uit hul eiers en vroetel onder Mamma Eend se veilige vlerke in.

  
Toe het die groot eier begin kraak. Klop, klop, klop! 

Een groot, lelike eendjie het uitgekom. "Dis vreemd," het Mamma Eend gedink.

Niemand wou met hierdie eedjie speel nie. 

"Gaan weg," het sy broers en susters gesê. "Jy’s lelik! Jy lyk nie soos ons nie."

Die lelike eendjie was hartseer. Hy besluit toe om nuwe vriende op die plaas te gaan soek en voeg dadelik die daad by die woord.
"Gaan weg!" het die vark gesnork.
"Gaan weg!" het die skaap geblêr.
"Gaan weg!" het die koei gebulk.
"Gaan weg!" het die perd gerunnik.

"Gaan weg!" het die waghond geblaf.

"Gaan weg!" het die huiskat gemiaau.

"Gaan weg!" het die vrolike mossies in die boom getjirp.

"Gaan weg!" het die die duiwe op die dak gekoer.

Niemand wou sy vriend wees nie. 

Dit het begin koud word. Die winter is hier. Die huiskat het vir die ander diere vertel dat hy op die TV gesien het dat dit vanjaar baie baie koud gaan word. Hulle voorspel selfs sneeu vir dele van die Noord-Kaap. 

Huiskat het nie gelieg nie. Dit het begin sneeu! Die lelike eendjie het 'n leë skuur gevind en daar gaan woon. 

Hy was koud, hartseer en alleen. 

Toe kom die lente. Die lelike eendjie het die skuur verlaat en teruggegaan na die dam toe. Hy was baie dors en het sy bek in die water gesit. Hy het 'n pragtige, wit voël gesien! "Sjoe!" het hy gesê. "Wie’s dit?"

"Dis jy," het 'n ander pragtige, wit voël gesê. 

"Ek? Maar ek is 'n lelike eendjie."

"Nie meer nie. Jy is 'n pragtige swaan, soos ek. Wil jy my vriend wees?"

"Ja," het hy geglimlag. 

Al die ander diere het gekyk hoe die twee pragtige swane wegvlieg, vriende vir altyd.

Wat het ek uit hierdie storie geleer:

* Niemand het van die lelike eendjie gehou nie, omdat hy anders gelyk het. Moenie op maats pik wat anders lyk of dink nie.

* Moenie soos die ander diere teenoor die lelike eendjie optree nie. Moenie iemand wegjaag nie. Wees altyd vriendelik. Dit kos jou niks.

* Onthou, as jy vandag soos die lelike eendjie voel, dis net tydelik. Eendag gaan jy die swaan wees en dan moet jy nie ander behandel soos jy behandel is nie.

Rosetta se Woensdag-wense

Die wonderwerke waarvoor ons wag om te gebeur, hang grootliks van onsself af. As ons die eerste stap in geloof neem, sal God die geloof wat handelend optree en op Hom alleen vertrou, raaksien en eer en op 'n buitengewone wyse daarop reageer.

Ruben-idiome: Koffie

Ouma Annie van Petrusburg is baie lief vir idiome en saam met ons koffie en ouma se spesiale kleinkoekies, het ons ook idiome op 'n daaglikse basis ingekry. Ouma Annie se reëls was maklik en verstaanbaar. Jy leer jou idiome en jy kry koekies saam met jou koffie ... óf jy ken nie jou idiome nie, dan is die koekies in die was.  

* Hy kom altyd op die koffie daaraan.

Betekenis: Hy kom ongenooid op etenstyd daar aan.

* Ek is op die koffie met my werk.

Betekenis: Ek het agtergeraak met my werk.

* Sy koffie is vroeg reeds omgeroer.

Betekenis: Daar is lank gelede vir hom geldelike voorsiening gemaak.

* Die koffie ruk jou agteroor.

Betekenis: Die koffie is baie sterk.

* Die koffie is moeg.

Betekenis: Die koffie is baie flou.

* 'n Storm in 'n (koffie)koppie.

Betekenis: 'n Geskil oor 'n nietigheid.

Portia's Monday Blessing

Ruben-humor: Ouma se raaisels

My liewe Maats, hierdie raaisels is so oud soos my ouma Annie van Petrusburg. Ek het net een van die raaisels reggehad, toe ouma my gevra het. Kan julle dalk raai watter een het ek reggehad?**

* Raaisel 1

As hy staan dan gaan hy en
As hy gaan dan staan hy.

Antwoord: Kwikstertjie se stertjie

* Raaisel 2

Hier kiep-kiep,
Daar kiep-kiep,
Woerts in die hoekie!

Antwoord: Dit is ‘n besem.

* Raaisel 3
So groen soos gras,
So wit soos was,
So rooi soos bloed,
So suikersoet.

Antwoord: ‘n Waatlemoen natuurlik.

* Raaisel 4
Wat van hierdie een:
Wit van agter, prentjie van voor.
Lek van agter, druk van voor.

Antwoord: 'n Posseël wat jy op 'n brief plak. (Weet julle darem nog wat 'n brief is?)

** Die enigste een wat ek reggehad het, was nr. 3. Miskien is dit omdat ek so lief is vir eet!!

Ruben gesels oor wilde diere langs die pad: Die ratel

Liewe Maats, vandag gaan ons 'n bietjie kyk na die ratel. 'n Besondere brawe en vreeslose diertjie wat nie vir die duiwel stuit nie. Ons sê dankie aan dr. JJ Malan wat hierdie feite met ons deel.

Die ratel is besonder maklik om te identifiseer met 'n hoogte van ongeveer 30 cm, lengte 95 cm en het 'n lewensduur van nagenoeg 24 jaar. Die dratyd van die wyfie word geskat op ses maande.

Die ratel is dik en fors gebou, die kop massief met kleinerige ronde ore, die bene is kort en bevat besondere kragtige lang, skerp naels, met 'n kort borselagtige stert wat hy dikwels neig om regop te hou. Die "pels" is kort en grof met 'n treffende konstrasterende patroon. Die boonste helfte van die kop net bokant die oë en die ore sowel as die bo-dele van die lyf en die hele stert vertoon witterig, soms grys, ligbruin tot bruin, veral na die agterdele maar bykans nooit swart nie. Hierdie ligkleurige mantel konstrasteer skerp met die pikswart sye, onderdele en bene. Die punt van die witkleurige borselagtige wit stert is pikswart.

Die jong rateltjies se wit manel vertoon meer bruinerig van kleur. Dit moet duidelik gestel word dat daar heelwat intra-specie variasies by die ratel voorkom ten opsigte van die kleur van die ligte mantel. By party rasse tref mens die mantel net van die nek tot die stert aan, maar by ratels wat die digte vogtige woude bewoon, is hierdie ligte manel baie beperk tot net by die nek. In die uitsonderlike geval kan die wit mantel totaal afwesig wees.

Aangesien die ratel in bykans enige vorm van habitat aangetref word, van oop droë savannah-streke tot digte woude, lyk dit nie asof dit enige spesifieke habitat bo die ander verkies nie.

Hoewel die ratel 'n nagdier is, mag 'n mens as jy gelukkig is, hulle soms in die dag ook raakloop. Net soos die erdvark, besit die ratel ook die vermoë om met sy kragtige, lang naels gate in die grond te grawe, maar hulle maak merendeels gebruik van onbewoonde erdvarkgate. 

Die ratel mag enkel of in pare voorkom. Oor die algemeen is die ratel skaam en geneig om pad te gee as dit versteur word, maar die jagter of die natuurliefhebber moet dit vir geen oomblik as vrees interpreteer nie. Die ratel is volgens die meeste skrywers die enigste dier wat geen vrees ken nie, en is uitermatig braaf en heldhaftig en sal enige onwelkome indringer afgesien van grootte en gevaarlikheid, onmiddellik bestorm en aanval.

Die ratel leef van klein diertjies, knaagdiere, slange, voëls, groot insekte en per geleentheid selfs jonger en klein bokkies. Eienaardig genoeg is hierdie vleiseter, wat tot verrotte vleis sal eet, ook plantvretend, en eet wortels, knolle en vrugte.

Die ratel het 'n spreekwoordelike soettand - net soos ons almal. Hy het 'n voorliefde vir heuning, en die heuningkoeke wat reeds die papies van die wildeby bevat, is sy gunsteling. Enige nes word met sy sterk kloue oopgebreek en vanweë sy geweldige taai en sterk vel en 'n laag vet net onder die vel, is hy immuun teen bysteke. Die ratel klim met die grootste gemak bome, om by die byneste uit te kom, ten spyte van sy oënskynlike swaar massa.

Bron: HIER

Daar bestaan 'n baie eienaardige, amper simbiotiese bestaan tussen die ratel en die heuningwyservoël. Hierdie klein voëltjie, wat ook besonder lief is vir heuning, is altyd op soek na heuningneste, en trek die ratel deur sy eienaardige gedrag en voëlgeluide en lei die ratel na die bynes. Die ratel volg dan die wegaanwysende vlug en roepe van die voël, en terg soms die voëltjie deur te weier om te volg. Sodra hulle by die bynes aankom, haal die ratel natuurlik die heuning uit, en 'n spesiale paar jong koeke word vir die heuningwyser opsy gesit, en só vier hulle saam fees. Die bestaan van hierdie voël is vir die ratel egter nie noodsaaklik vir sy voortbestaan nie, aangesien die dier sonder die hulp van hierdie voël kan klaarkom, en self byneste kan opspoor. 

[Inligting: Dr. JJ Malan]

Rosetta se Woensdag-wense

Daagliks kom daar uitdagings op jou pad. 

Jy moet dit altyd as 'n geleentheid sien om te groei.
 

Ruben-idiome: Tee

Maats, na 'n heerlike koppie Vyf Rose tee, het ek besluit om vandag na tee-idiome te kyk. Tot my verbasing kon ek net 5 idiome kry. Julle huiswerk vir vandag is om nog idiome oor tee te gaan soek en dit dan vir my te e-pos. 

* Dis nie almal se koppie tee nie.

Betekenis: Dit val nie in almal se smaak nie.

* Teeblare lees.

Betekenis: Iemand se fortuin vertel.

* Hy is bo sy teewater.

Betekenis: Dronk wees.

* Iemand se tee bitter maak.

Betekenis: Iemand se nooi afvry.

* In iemand se tee blaas.

Betekenis: Iemand se nooi van hom afvry.

Portia's Monday Blessing

Ruben-humor: Raaisels

* Wat is geel en rond en jaag bo-oor ’n rooi lig?

’n Suurlemoen sonder brieke.

* Wat is die beste manier om ’n apie te vang?
Klim in ’n boom en maak ’n geluid soos ’n piesang.

* Wat is geel en het vier wiele?
’n Piesang. Jammer, ek het gejok oor die wiele.

* Klop-klop!

Wie's daar?

Checkov.

Checkov wie?

Checkov ek my sleutels op die tafel gelos het, asseblief.

Statistiek: 155 000 e-besoeke van lojale e-lesers

 

Vandag, presies 'n maand terug, was daar149 000 e-besoeke.Vandag staan die pageviews op 155 000 - 6000 e-kyke later! Miskien het die reënweer iets daarmee te doen of net dalk is dit Ruben se skrywery wat die lesers nader gelok het. 

Lekker lees - ons waardeer elkeen van julle!!

Ruben se een minuut gedig: Om gesond te lewe

As ek my kos eet - elke dag -
(ook wortels, kool en avokadopeer)
en voor die nuus begin - elke nag
soet-stil bedwaarts keer ...

 

As ek en Pa net na werk
gaan oefen by die Sweet-en-Strek
dat my spiere groei en bult en rek
tot die meisies na hul asems snak -

 

dán sal ek nie moeg word of verkoue kry
en sonder sukkel spel én somme doen.
"Vriendelik, netjies, gemanierd is hy;
ʼn oulike kind" sal hul my noem!

Nou wil ek net weet:
Hoe’t die Grieke dit geweet?
Was daar toe dan reeds
TV, skool en somme?

 

* Anoniem 

[Bron: Klik HIER]

Rosetta se Woensdag-wense

Niemand kan 'n liefdesdaad te gou bewys nie; want 'n mens weet nooit hoe gou dit te laat kan wees nie.

Ruben-idiome: Koffie

Maats, maak 'n koppie koffie en kyk hoe logies is vandag se idiome. Net een deurlees en jy het jou koffie-idiome onder die knie. Geniet dit!

* Iets is op die koffie. 

Betekenis: Dit is stukkend.

* Alles is nie suiwer koffie nie.

Betekenis: Iets is nie pluis nie. 

* Is daar moer in die koffie? 

Betekenis: Daar is onmin. 

* Jou koffie is vol vlieë.  

Betekenis: Jy misgis jou.

* Ek koffie maar huis toe.  

Betekenis: As jy êrens heen koffie, verkas jy soontoe.

Portia's Monday Blessing

Ruben-idiome: Koffie

Vandag kyk ons na koffie-idiome. Dit lyk vir my na die maklikste idiome en terwyl jy aan jou koppie koffie sit en teug, leer jy sommer jou idiome.

* Oppas vir hom, hy sal die room uit jou koffie steel!

Betekenis: Hy is skelm.

* Hy is so maer, hy moet swart koffie drink om ’n skaduwee te gooi.

Betekenis: Dit word gewoonlik van iemand gesê wat baie maer is.

* Hy is 'n regte koffiepot. 

Betekenis: Iemand wat lief is vir koffie.

* Kaal koffie of koue koffie of koffie sonder ketel.

Betekenis: Bogenoemde verwys na brandewyn of ander sterk drank.

* Jou koffie stort nou-nou - is ’n waarskuwing. 

Betekenis: Jy soek skoor; pasop dat jy nie nou-nou huil nie.

Portia's Monday Blessing

Rosetta se Woensdag-wense

Een van die geheime van 'n gelukkige lewe is dankbaarheid. 

Die bril van dankbaarheid, verander die wêreld rondom ons.

Dankbaarheid help ons om verby die dinge te kyk wat die lewe vir ons moeilik maak en die seëninge rondom ons raak te sien. Ons kyk verby die donker wolke en sien die silwer randjie raak. 

Ruben-idiome: Katte

Maats, sonder om nou katterig te wees, maar hierdie afgelope maand het julle 25 kat-idiome onder die knie gekry. Ek het gedink ek gaan vir Aprilmaand die spyse 'n bietjie verander en kyk ons na idiome wat iets met koffie te doen het. Nou wonder julle seker hoe ek hierdie som maak. Wel, kyk 'n bietjie mooi na die foto - Krummels het vir my 'n koppie koffie gemaak.

Hier is die laaste vyf idiome oor katte - ek sal die ander idiome oor so drie maande plaas - ek moes dit hart en mond vir Krummels belowe het.

  

* As die kat dik is, smaak die muis bitter.

Betekenis: As iemand genoeg geëet het, smaak die kos nie meer lekker nie

* Die kat die bel aanbind.

Betekenis: Die gevaarlike en onplesierige in 'n onderneming of stryd doen.

* Hy is 'n ramkat.

Betekenis: 'n Flink, bekwame kêrel in sy werk.

* Hy kerm soos 'n kat oor 'n derm.

Betekenis: Oor onsin kla en neul.

 

* Vir die kat kwaad wees en die hond skop. 

Betekenis: Jou op ‘n onskuldige persoon wreek as jy kwaad is.

Portia's Monday Blessing

Ruben-idiome: Katte

Vandag is week 12 van idiome. Ons ken sowaar 60 meer idiome as wat ons op 1 Januarie 2026 geken het. Die mooi hiervan is dat ons nog net idiome oor katte en honde nadergesleep het. Daar is 'n skatkis vol idiome in Afrikaans. Andrej Ignatenko, 'n Afrikaanse professor aan die Lomonosov Universiteit in Moskou, het gesê dat die hart van Afrikaans in sy idiome lê.

   

* Te laat vir die kat se afval kom.

Betekenis: Opdaag wanneer almal al klaar geëet het.

* Die kat in die donker knyp.

Betekenis: Iets verkeerd in die geheim doen. (Skynheilig wees.)

* Katjies deur die water dra.

Betekenis: 'n Netelige saak oplos.

* Daar is meer as een manier om 'n kat dood te maak.

Betekenis: 'n Mens kan 'n saak op verskillende maniere aanpak en tog 'n sukses daarvan maak.

* Die kat aan die stert beet hê.

Betekenis: Verkeerd wees.

Portia's Monday Blessing

Statistiek: 149 000 e-besoeke van lojale e-lesers

 
Op 9 Maart 2026 sê ons dankie vir 142 000 lojale e-lesers! En 8 dae later sê ons DANKIE vir nog 7000 trefslae! Dankie vir elkeen wat ons só getrou besoek en vir elke dag se saamlees hier. Ons waardeer julle regtig. Lekker lees!!

Ruben-idiome: Katte

Maats, ek is seker julle is al kenners van kat-idiome. Krummels bring selfs vir my idiome wat ek moet plaas. Ek het nou al soveel idiome oor katte, dat ek ook Aprilmaand daaraan gaan afstaan.

* Soos kat en hond lewe.

Betekenis: In onenigheid lewe, voortdurend rusie maak (veral van man en vrou gesê)

* Soveel van iets weet soos 'n kat van saffraan.

Betekenis: Daar niks van weet nie.

* Sy is 'n kat.

Betekenis: Vals of snipperige vrou of meisie.

* Hy lyk of die katte sy kos afgeneem het.

Betekenis: Hy is terneerdruk of stil; sien daar verleë uit.

* Jy het die kat aan die stert beet.

Betekenis: Jy het nie 'n benul wat hier aangaan nie; jy weet niks nie.

Portia's Monday Blessing

Ruben sê: Fisikaboek vir gr. 12- en sommige 11-vrae nou beskikbaar

Maats, ek is mos maar altyd aan die snuffel en soek na interessanthede wat julle tot voordeel kan strek. Ek het op die Physical and Technical Sciences - Free State-blog afgekom en geweet hierdie is net die hoed vir Sannie. 

Hierdie vrae is uitstekende oefening vir jou eksamen en veral vir die eindeksamen. 

Die geheim is om vroegtydig te begin.

Sterkte en hou maar jou neus in jou boeke!

"Ons Vrystaatse 2026-uitgawe van die fisikaboek (Gr. 12- & sommige 11-vrae) is beskikbaar by https://hwscience.blogspot.com/ (plasing van 11 Maart). Deel gerus hierdie inligting as jy iemand ken wat tans fisiese wetenskappe in graad 12 of 11 neem. Om deur die vrae te werk, sal help om probleemoplossingsvaardighede te slyp."

Ruben se een minuut storie: Het hulle 'n kat se kans? Die laaste spoorwegkatte ...

Maats, ek blaai oor die naweek deur een van die koshuis se ou tydskrifte en was ek gefassineerd deur hierdie stukkie oor die katte. Ek dink dit het my aandag getrek omdat ek as viervoetige ook hier in die jeugsentrum werk. Ons posbeskrywings verskil egter drasties en as ek te oud is om verder te werk, mag ek op pensioen gaan. 'n Heerlike rusvoortuitsig!

Geniet hierdie stukkie:

Die Britse spoorweë se amptelike muisbestryders se dae is getel. Meer as 'n eeu lank het dié spoorwegkatte 'n skrikbewind onder rotte en muise op spoorwegstasies gevoer. Nou word die Britse spoorweë egter geprivatiseer en die katte asook 130 000 van hul tweebeenkollegas staar afdanking in die gesig.

Van die nagenoeg 2000 katte wat 50 jaar gelede op Brittanje se 2 400 stasies bedrywig was, is nog net 200 oor.

Na die Tweede Wêreldoorlog het so te sê elke spoorwegstasie 'n eie muisvanger gehad. 

Vandag word nog omgesien na die laaste spoorwegkatte: hulle word kos gegee, veearts toe geneem as hulle siek is. Elke stasie sit spesiaal geld opsy vir dié uitgawes. Of die spoorwegkatte dit werd is, is moeilik om te sê.

Onder hulle is daar gewis dodelike muisvangers - katte soos die legendariese Tiddles, 'n knewel van sewe kilogram wat by Londen se Paddington-stasie so te sê op die hande gedra is. Tiddles was so bekend dat toe hy in 1981 die emmer geskop het, sy doodsberig nogal in al die koerante verskyn het.

Maar katte soos Tiddles is bitter skaars; die meeste van die huidige katte is 'n blote instellijng en al so gruwelik bederf dat hulle geen jaginstink meer het nie.

Wat gaan nou van Brittanje se spoorwegkatte word?

Sal hulle die "eiendom" word van Railtrack, die organisasie wat ná privatisering die spoorwegnetwerk - stasies, treinspore, ens. - in stand sal hou? Hulle sien nie daarvoor kans om na die katte te kyk en elke jaar byna R300 per kat op te dok nie.

"Wat ons betref, is die katte nie werknemers nie," sê Colin May, een van Railtrack se kokkedore. "Die katte het seker in die verlede 'n doel gedien, maar ons gaan nie geld aan hulle bestee nie."

"Diegene van ons wat by die stasies aanbly, sal vir die katte sorg," sê Jonathan Probyn, Paddington-stasie se stasiemeester. "Die katte is 'n jarelange instelling en ons wil dit so hou. Ons sal self na hulle omsien, uit ons eie sakke vir hulle betaal."

[Keur 12 November 1993]    

Wat het ek uit hierdie storie geleer:

* Niemand is onmisbaar nie.

* As jy 'n werk het, doen jou uiterste bes, soos Tiddles wat jare na sy dood nog die media haal omdat hy so hardwerkend was.

* Moenie van ander verwag om vir jou te sorg nie - maak 'n plan en "vang" muise as dit moet. 

Rosetta se Woensdag-wense

Mag vreugde jou vind,

liefde jou omring,

God jou met goeie gesondheid seën,

Mag God vandag en vir altyd

saam met jou wandel!

Ruben-idiome: Katte

Let op: Krummels hou 'n
wakende oog oor my!

Hierdie is ons tweede week wat ons aan kat-idiome afstaan. Krummels kan nie genoeg kry van haar naam op die blog nie en ek het sowaar gehoor by een van die kinders dat sy hulle idioomkennis toets.

Geniet die tweede sarsie kat-idome. Onthou: memoriseer dit en gaan sê dit vir Krummels op. 

* 'n Kat val altyd op sy pote.

Betekenis: Hy kry homself altyd uit die moeilikheid uit.

* 'n Kat kan ook na 'n koning kyk.

Betekenis: Die eenvoudigste mens het ook sekere regte.

* Nie 'n kat se kans hê nie.

Betekenis: Geen kans op sukses hê nie.

* So nat soos 'n kat.

Betekenis: Baie nat, papnat ... papsopnat.

* So welkom soos 'n kat in 'n melkkamer.

Betekenis: Baie onwelkom.

Statistiek: 142 000 e-besoeke van lojale e-lesers

Portia's Monday Blessing

Rosetta se Woensdag-wense

Gee liefde -

nie net aan jou huismense nie, 

maar aan elkeen wat God

vandag op jou pad plaas. 

Vandag kan jy, 

gister wou jy, 

môre is dalk te laat ...

Ruben-idiome: Katte

Kyk, Maats, Krummels kom loer kort-kort oor my skouer, hier waar ek sit en skryf. Ek het mos vir haar belowe dat Maart se idiome net oor katte sal gaan. Ek is op hierdie oomblik besig om idiome oor katte in die woordeboek te soek. Kyk gerus op die foto - julle sal my dik woordeboek sien.

Vandag begin ek met die letter K. En julle kan natuurlik raai hoekom. Elkeen van die volgende paar weke se idiome gaan die woord KAT of KATTE inhê. Ek wil kyk hoeveel van hierdie idiome julle kan memoriseer. Doen dit asseblief, ter wille van Krummels. Geniet dit!  

* Die kat uit die boom kyk.

Betekenis: Dinge eers goed deurkyk voordat jy iets aanpak (byvoorbeeld voordat jy ’n transaksie beklink).

* Geen katjie om sonder handskoene aan te pak nie.

Betekenis: ‘n Baie moeilike persoon.

* Gooi die kat in die duiwehok.

Betekenis: Veroorsaak ‘n groot konsternasie.

* Jou ‘n kat in die sak koop.

Betekenis: ‘n Slegte koop sluit; jou laat verkul. As die kat dik is, smaak die muis bitter.

Betekenis: As iemand genoeg geëet het, smaak die kos nie meer lekker nie.

Rosetta se Woensdag-wense

God is in beheer,

so alles gaan goed uitwerk.

* Glo dit!

* Leef dit!

* Ontvang dit!

Ruben-idiome: Honde

Maats, hierdie is voorlopig die laaste van die honde-idiome. Maartmaand gaan ek my woord aan Krummels gestand doen en 'n paar kat-idiome (katterige idiome) met julle deel. Viva idiome!

* Met onwillige honde kan mens g’n hase vang nie.

Betekenis: Met onwillige werkers bereik 'n mens nie jou doel nie.

* Moenie slapende honde wakker maak nie.

Betekenis: Dinge wat moeilikheid kan veroorsaak, moet liefs verswyg word.

* 'n Hondelewe lei.

Beteknis: 'n ellendige bestaan voer.

* Nie hond haaraf maak nie.

Betekenis: Niks uitrig nie.

* Oor die hond se stert wees.

Betekenis: Oor die ergste of die moeilikste wees.

Portia's Monday Blessing

Ruben-humor: Diere

* Wat het die piesang vir die hond gesê?

Niks nie. 'n Piesang kan nie praat nie.

* Wat kan jy doen dat 'n eekhoring van jou hou?

Gedra jou soos 'n neut.

* Wat kry jy as jy 'n luiperd met 'n muishond kruis?

'n Dier wat met 'n stink spoed kan hardloop.

* Wat noem jy 'n vark wat karate kan doen?

'n Varktjop

Ruben se een minuut gedig: Kat en muis

ʼn Kat sê eendag vir ʼn muis:
"Ek voel tog so alleen,
kom speel hier met my in die huis,
dan gee ek jou ʼn been!"

 
"Nee dankie," sê die slimme muis.
"Ek bly maar weg van jou -
by katte voel ek glad nie tuis,
hul wil my beentjies kou!"

* Helena J.F. Lochner

[Bron: Klink HIER]

Rosetta se Woensdag-wense

Soek en vind vandag die oomblikke

wat jou laat glimlag

en kleur die dag in 

met soveel vrede en geluk 

as wat jou hart kan dra.

Ruben-idiome: Honde

Maats, julle kan sien dat ek elke dag getrou my idiome neerskryf. Ek kan nie dat julle idiome leer wat ek nie ken nie. Dis vir my heerlik om by tannie Christelle se tafel te sit en my idiome uit te skryf. Ek hoop julle doen dieselfde.

* Jy kan ‘n hond die blaf nie belet nie.

Betekenis: Jy kan ‘n mens nie belet om sy mening uit te spreek nie.

* Kom ‘n mens oor die hond, dan kom jy oor die stert.

Betekenis: As jy oor die ergste moeilikheid kom, kan jy oor die kleineres ook kom.

* Lyk asof die honde sy kos afgeneem het.

Betekenis: Verleë, beteuterd lyk.

* Lyk soos ‘n hond wat vet gesteel het.

Betekenis: Sku, verleë, beteuterd lyk as gevolg van 'n skuldgevoel.

* Met alle honde saampraat.

Betekenis: Almal napraat.

Portia's Monday Blessing