Market for Charity

Market Details

Next Date: Saturday, 5 September 2026

Time: 09:00 – 14:00

Location: McGregor Museum, Atlas Street, Kimberley

Cost: Free entry

Stall Bookings: Contact 084 395 7297

Ruben se een minuut gedig: Reën

Dis tog te lekker as die reën
so drup-drup op die blare,
en die druppels hang soos pêrels
aan ons toutjierige hare.

As dit weer buite skoon is
en al die slote loop,
dan kan ons tog te heerlik
ons voete daarin doop.

Mammie sê ons kinders
moet liewer binne bly,
want as ons natreën, sal ons dalk
‘n kwaai verkoue kry.

Maar wat van al die bome
wat altyd buite bly?
Nog nooit het ek gehoor
dat een ‘n seerkeel kry!

[Digter onbekend]

Statistiek: Mattewis hou 'n wakende oog oor die e-lesers

Mattewis: "Voordat iemand my weer beskuldig dat ek 

nie my werk doen nie, wil ek net die kykertal met julle deel. 

Daarna gaan ek 'n vinnige uiltjie tydens my etensuur knip, 

voordat ek weer katlewendig die res van die middag aanpak. 

Klik HIER en gaan kyk dat ons 5000 e-besoeke in 5 dae gehad het. 

Geen wonder ek is uitgepoot nie!"

Rosetta se Woensdag-wense

Mag God se LIEFDE 

jou omring.

Sy SEËNINGE 

jou verstom.

Sy GENADE 

jou verbly! 

Vreugde vir jou!

Ruben-idiome: Vlieë

* Vlieë vang.

Betekenis: Met jou mond oop sit en niks doen nie (dit beteken ook om doelloos om jou te staar).

* Twee vlieë in een klap slaan.

Betekenis: Om twee take op dieselfde tyd of met net een aksie af te handel. 

* Iemand is nie hier om vlieë te vang nie.

Betekenis: Die persoon is daar met 'n spesifieke doel.

* 'n Arend vang nie vlieë nie.

Betekenis: 'n Belangrike of hoogstaande persoon sal hom nie steur aan beuselagtige of kleinsielige kritiek nie.

* 'n Hand vol vlieë.

Betekenis: Om baie swaar te kry of in groot moeilikheid te wees.

* Dit lyk asof die vlieg oor sy lewer geloop het.

Betekenis: Dit lyk asof hy omgekrap is.

Portia's Monday Blessing

Statistiek: (Katterige) bewyse dat die leesgrafiek opwaarts neig

Rosetta se Woensdag-wense

Jy kan vandag rustig wees,

want jy is 

WAARDEVOL,

DUUR gekoop,

HOOG geag,

KOSBAAR,

want Jesus het jou

LIEF! 

Ruben-idiome: Vlieg

* Iemand in die hare vlieg.

Betekenis: Om baie kwaad te word en woes met iemand te stry of te baklei.

* Hoër vlieg as wat jou vlerke lank is.

Betekenis: Meer onderneem of aanpak as wat jou vermoëns, kragte of finansies toelaat.

* Die tyd vlieg.

Betekenis: Dit is 'n algemene uitdrukking wat beteken dat tyd baie vinnig verbygaan.

* Gebraaide duiwe vlieg niemand in die mond nie.

Betekenis: Niks kom vanself nie; jy moet hard werk vir sukses.

* Hoog vlieg, laag val.

Betekenis: Bo jou inkomste lewe en dan bankrot speel. 

Portia's Monday Blessing

Mattewis bly in voeling met sy werk

Mattewis kan hierdie werk toe-oë doen en foto-bewyse 

dat hy sy vinger (poot) op die pols het, onderstreep die feit

dat 'n mens-assistent nie 'n kat se kans teen Mattewis het nie! 

Foto: Christelle Hattingh

Gelukkige Vrouedag

Die rakke is leeg en ons dankbare harte vol

Dankie vir elkeen wat ons ondersteun het en 

nog bestellings vir volgende week geplaas het.

Daar is reeds 15 kg meel se koekies bestel en die res van hierdie langnaweek 

word gebruik om ons gewaardeerde ondersteuners se koekieblikke

so gou as moontlik vol te kry!!

Viva tuisgebakte koekies!!

Statistiek: Dankie, 230 000 e-lesers vir julle inloer

Spesiale langnaweekaanbieding slegs vir ma's

Vir al die ma's wat kuiermense kry of het hierdie naweek en 

aan al die ma's wat kleingoed het wat hou 

van knibbel en kou: 

'n Kitsoplossing wat slegs 'n WA ver is!!!

Kleinkoekies @ R140 p/kg

Bottels met mini-koekies : R60

Pasteitjies @ R40 vir 6 maalvleis/hoender

Groot wildspasteie R30

Groot worsrol (wild en varkmaalvleis) @ R30

Bestellings kan via WA geplaas word:

Christelle 060 882 9291

Mamma, jy sal nie SPYT wees nie - BESTEL NOU!!

Terwyl voorraad HOU!!!

Ruben-humor: Olifante

Raaisel 1

Vraag: Hoe laat is dit as 'n olifant op die heining sit? 

Antwoord: Tyd om die heining reg te maak.

Raaisel 2

Vraag: Hoe weet ek hoe om te bepaal of daar ‘n olifant in my yskas is?

Antwoord: Jy kyk vir voetspore in die botter! 

Raaisel 3

Vraag: En hoe kry jy ‘n kameelperd in jou yskas? 

Antwoord: Maak die deur oop, haal die olifant uit en sit dan die kameelperd in.

Raaisel 4

Vraag: Ons ry in die wildtuin rond en ek sien 'n olifant in die pad staan. Wat maak jy?

Antwoord: Jy haal die fant weg en ry oor die olie.

Raaisel 5

Vraag: Wat het muis vir olifant gesê toe hulle oor die brug stap?

Antwoord: Ons laat darem hierdie brug bewe, né.

Statistiek: Ons wil nie slapende honde (katte?) wakkermaak nie, maar ...

Na aanleiding van die berig vroeër vandag, wil die redaksie net 'n regstelling maak. Dit blyk dat sommige mense ook werk kan verrig terwyl hulle slaap.

Miskien moet daar nie na Mattewis as kantoorassistent gekyk word nie, maar moet hy dalk 'n nuwe posbeskrywing kry - eerder iets in die bemarkingsafdeling??

Die afgelope week het 3000 e-lesers die blad besoek en vandag het baie vinnig die 229 000-kerf gehaal na Mattewis se berig verskyn het.

Miskien het hy nie net nege lewens nie, maar dalk ook 'n negende sintuig wat hy inspan terwyl hy slaap. 

Nuwe besems vee altyd skoon - selfs in die diereryk

Foto's spreek baie luider as wat woorde ooit kan doen. En hier is 'n bewys daarvan. Mattewis was met sy aankoms by Christina Kiddie baie betrokke by alle kantooraktiwiteite. Dit was asof hy verantwoordelik gevoel het vir alles wat in die kantoorblok gebeur het. Hy het op die lessenaar gesit om die groenstrikkiedag se kaartjies deur te lees om te kyk of daar enige spelfoute is (foto dien as bewys.) Alle fotostate wat gemaak is, is deeglik gekontroleer, geverifieer, geïnspekteer voordat dit gebruik kon word (weer 'n foto as bewys.)

Mattewis se betrokkenheid het egter drasties afgeneem en daarvoor is daar ook bewyse. Die aktiewe betrokkenheid het geleidelik verander na 'n heelwat stadiger pas. Daar is meer gesit en gelê en deesdae is die hoofaktiwiteit slaaaap!

Die stoel vir gaste is nou geannekseer vir slaap - enige tyd van die dag is 'n goeie tyd vir dié gunsteling aktiwiteit. 

En wat doen hy as daar wel gaste in die kantoor instap? 

Hy loer so met die een oog na hulle, gee 'n groot gaap, draai hom om en ... slaap ongestoord verder.

Is dit nie wat ons mense ook doen nie?

Hou maar gerus 'n nuwe besem dop - en kyk hoe laissez-faire daardie selfde mens word met verloop van tyd ...

Foto's: Christelle Hattingh

 

Heerlike tuisgebakte koekies en pasteitjies

Kleinkoekies @ R140 p/kg
Bottels met mini-koekies : R60

Pasteitjies @ R40 vir 6 maalvleis/hoender

Groot wildspasteie R30
Groot worsrol (wild en varkmaalvleis) @ R30

Bestellings kan via WA geplaas word:

Christelle 060 882 9291

DANKIE vir die ondersteuning!!

Rosetta se Woensdag-wense

Mag God 'n veilige heining 

om jou en jou hartsmense

plaas.

Mag Hy jou huis vol vrede

en lag maak en jou seën

met gesondheid.

Mag Hy jou omring

met sy onvoorwaardelike

liefde! 

Statistiek: Dankie dat 227 000-lesers gereeld kom inloer

Lente 2026 is in die lug ...

Die voëltjies sing soggens vroeër en luider. Ruben en Tommie kruip nie meer onder die dikste komberse in vir 'n snoesige warm winterslaap nie en Matewis mag hulle maar pla as hulle vir 'n wyle wegdommel. 

Daar gaan bepaald nog 'n koue naweek of twee opduik, net om die lentevreugde so 'n bietjie te temper, maar dit gaan ons nie verhoed om solank ons groen vingers in die blombeddings te druk en aan 'n plant of tien, nuwe lentelewe te gee nie.

Hier by Christina Kiddie is die tuin besig om lentelewe te kry. Kom maak gerus oor 'n rukkie 'n draai hier, om self die blomverandering te sien.

Nog planne om sprankel aan die tuin te gee, is in die pyplyn.

Dankie, vir al die blomplantjies wat hulle weg hierheen gevind het - dit is meer as welkom.

'n Noord-Kaapse tuin vra vir vetplante - hulle huiwer nie om hulle mooiste kant in die warm somermaande te bring nie. Bring gerus met 'n volgende besoek 'n steggie saam. 

Blomvreugde vir 2026 se lente! 

Foto's: Christelle Hattingh

Ruben-idiome: Vlieg

* Hy/sy sal geen vlieg kwaad doen nie.

Betekenis: Hy/sy is besonder goedhartig

* ‘n Vlieg in die salf.
Betekenis: Iemand wat moeilikheid maak/ onaangenaamheid veroorsaak

* Van 'n vlieg 'n olifant maak.

Betekenis: Om iets wat klein en onbelangrik is, geweldig te oordryf.

* Soos 'n vlieg wat in die karringmelk geval het.

Betekenis: Word skertsend gebruik vir iemand wat spierwit aangetrek is.

* Iemand 'n vlieg afvang.

Betekenis: Om iemand uitoorlê, of voor te spring en hul planne in die wiele te ry.

Portia's Monday Blessing

Rosetta se Woensdag-wense

Geloof 

is nie 'n 

vrywaring

teen moeilike tye nie.

Dit verseker net dat

jy makliker

daardeur sal gaan. 

Portia's Monday Blessing

Advertensie: Vakante versorgerspos

POSBESKRYWING: 

* Versorging van en toesig oor 27 kinders tussen 4-18 jaar.

* Werksure: 19h00 tot 07h00

VEREISTES: 

* Graad 10-kwalifikasie en vaardig in Afrikaans.

* Bereid om nagskof te werk (4 nafte werk en 4 nagte af).

* Emosioneel volwasse met 'n gesonde leefstyl en goeie morele waardes.

* Moet selfstandig en as deel van 'n span kan werk.

* In staat wees om positiewe dissipline toe te pas.

* ONDERVINDING IN DIE VERSORGING VAN KINDERS IN 'N KINDER- EN JEUGSORGSENTRUM OF 'N KOSHUIS SAL TOT JOU VOORDEEL STREK.

* Moet selfhandhawend wees en onder druk kan funksioneer.

RIG AANSOEKE AAN:

* christinakiddie@lantic.net

* Volledige CV met minstens DRIE verwysing.

* Gesertifiseerde afskrifte van ID en kwalifikasies.

* Vorm 30 uitkoms (Register vir Seksuele Oortreders)

NAVRAE:

Christelle Hattingh - Tel. 053 831 2413

christinakiddie@lantic.net

VERGOEDING:

Salaris sal ooreenkomstig die NML (Nasionale Minimum Loon) bepaal word.

SLUITINGSDATUM:

07 Augustus 2026

Indien jy teen 14 Augustus geen terugvoering ontvang het nie, 

kan jy aanvaar dat jou aansoek onsuksesvol was.

[Klik op advertensie vir 'n duideliker beeld.]

Ruben gesels oor wilde diere langs die pad: Die jagluiperd (Acinonyx jubatus)

Maats, van al die diere in Suid-Afrika is daar seker geen ander dier wat groter gevaar van uitwissing in die oë staar as hierdie vlugvoetige vleiseter nie.

Die jagluiperd is bekend vir die geweldige hoë vaart waarteen hy hardloop. Hulle sterk en skraal geboude liggame stel hulle in staat om tot 120 km/h te hardloop wat hulle die vinnigste diere op land maak. Hoewel die liggaam hoogs gespesialiseerd is vir hoë spoed, het hy min uithouvermoë en is eerder aangepas vir kort afstande. Stormlope is selde meer as 250 tot 300 m.

Die jagluiperd lyk soos 'n groot langbeenkat met 'n kenmerkende hol rug. In verhouding is sy kop klein en sy ore kort. Die wyfies is bietjie kleiner as die mannetjies, met volwassenes wat in lengte van 1,8 m to 2,2 m lank is en 40 kg to 60 kg weeg.

Die opvallende “traanstrepe” (ingeboude sonbrille) wat vanaf die oë al langs die snoet na die bolip loop hou sonlig uit sy oë en kom goed te pas tydens jagtogte of waarneming oor lang afstande. 

Jagluiperds is een van die eksotiese katspesies wat die maklikste is om mak te maak. Hulle teel egter moeilik aan in gevangeneskap.

Die swangerskapperiode kan tot in die omgewing van 92 dae wees, met omtrent 4 welpies wat per werpsel gebore kan word. Die welpies word gebore met ʼn mantel van pels wat van die nek oor die rug hardloop tot by die agterbene en kruis, wat hulle help kamoefleer. Hulle word ook weggesteek in lang gras of onder bosse en blare.

In teenstelling met die ander groot katte in die katfamilie, kan die jagluiperd nie brul nie, maar maak hy ʼn tjirpgeluid as hy opgewonde is. Dit is een van die enigste katspesies wat kloue het wat hulle nie heeltemal kan intrek nie, daarom is die kloue sigbaar in hulle spore.

Jagluiperds jag gewoonlik in die dag, soggens vroeg of laat in die middag - net soms in helder maanlignagte. Die jagluiperd maak gedurende jagtogte eerder op sy sig- as sy reuksintuig staat. Die prooi word binne 'n afstand van 10-30 m bekruip en dan bestorm.

Sodra die prooi gevang is, word die groot prooi versmoor met ʼn byt aan die lugpyp en die klein prooi kan doodgemaak word met ʼn vinnige byt aan die kop. Hulle sal hul prooi gou vreet sodra die dier doodgemaak is, omdat hulle nie hul prooi van ander roofdiere kan beskerm nie. Die eindpunte van die ribbes sal afgeëet wees en die vel, bene en binnegoed sal gelos word. Jagluiperds gaan nooit terug na prooi wat hulle doodgemaak het nie en hulle eet nie die aas van die karkasse af nie.

Die jagluiperd is nie aggressiewe dier nie en is vir baie eeue in Asië makgemaak en gebruik om mee te jag. Die dier is ongelukkig ook so skugter dat hy nie die steeds veranderende omstandighede en steurnisse van die beskawing die hoof kan bied nie.   

* Foto's: Internet

Dr. JJ Malan

Rosetta se Woensdag-wense

In elke nuwe dag

lê nuwe krag.

Mag vandag 

jou siel voed

en jou hart 

met vrede omvou! 

Ruben-idiome: Vleis

* Vleis braai voor jy 'n bok skiet.

Betekenis: Op iets staatmaak voor jy daaroor sekerheid het.

* Iemand 'n pond vleis skuld.

Betekenis: Dit beteken letterlik om iemand baie geld of 'n groot guns te skuld.

* Nog vis nog vlees.

Betekenis: Word gebruik om iets te beskryf wat nie duidelik inpas by 'n spesifieke groep of kategorie nie (iets tussenin, of sonder 'n besliste karakter). 

* Die vleis het 'n krakie.

Betekenis: Dit word gesê wanneer vleis begin sleg word, of wanneer iemand (of iets) nie meer aan die normale standaard voldoen nie. 

Portia's Monday Blessing

Statistiek: Dankie dat 202 000-lesers gereeld kom inloer

Dankie, Maloba!!

Die Maloba-verskil

Klik HIER as jou menswees 'n Maloba-verfkwas nodig het en 

bespreek 'n heerlike wegbreeknaweek!!

Christina Kiddie Kinder- en Jeugsorgsentrum voor die Maloba-towerstaf

'n Foto waar die verskil duidelik uitstaan!

Klik HIER as jou menswees 'n Maloba-verfkwas nodig het en 

bespreek 'n heerlike wegbreeknaweek!!

Ruben-humor: Afluister-grappies

Maats, ek het die volgende grappies gedurende die week op die terrein gehoor. Ek gee dit net so weer.

* Klop klop!

Wie’s daar? 

Sannie. 

Sannie wie? 

Sa-nie-sê- nie. 

* Dokter, dokter, ek sien nie goed met hierdie bril nie. 

Het jy al probeer om hom af te haal?

* Hoekom is koalas nie eintlik bere nie? 

Omdat hulle nie die koalafikasies het nie.

* Het jy gehoor van die twee mense wat 'n kalender gesteel het? 

Hulle het albei ses maande elk gekry.

Die gestuurde engele op ons pad

Talentkonsert - sien jou daar!!

WAT: 'n Talentvertoning soos min

WAAR: Christina Kiddie Kinder- en Jeugsorgsentrum

WANNEER: 18 Julie 2026 om 15:00

Kom ondersteun hierdie eerste talentkonsert - uitstekende talent, pret, plesier, 'n heerlike atmosfeer en talle lekker pryse is op die spel! 

Kom ontspan gerus terwyl die kinders jou gemoed 

'n Saterdag-hupstoot gee!! 

Statistiek: En so bereik ons stil-stil die 200 000-kerf

Ruben se een minuut gedig: Eseltjie ry

Woorde: SAAR ENGELA

Musiek: J. KROMHOUT

Ka-poe-te, ka-poe-te, ka-pat,
die eseltjie ry ná die stad.
Hy pluk aan sy toompie
en sukkel met oompie
en trek sy twee lang ore plat.

Ka-poe-te, ka-poe-te, ka-pout,
maar kyk so ‘n esel is stout!
Toe, roer jou, Jan-dooi,
loop vinnig, loop mooi,
en klaps! kom ‘n raps op die bout!

Ka-poe-te, ka-poe-te, ka-pat,
maar nou laat so ‘n eseltjie spat.
Dit spring en dit skop,
en dit wip agter op,
en Oompie lê plat in die pad!

Bron: HIER