Rosetta se Woensdag-wense

Mag hierdie oggend vir jou

VREDE in jou hart

DANKBAARHEID in jou siel 

en SEËNINGE

in elke oomblik bring.  

Loop met HOOP

Leef met LIEFDE 

en VERTROU dat God

jou elke tree BESKERM.

Rosetta se goeie wense: "n Seker wete ...

Jou Vader is getrou in sy liefde en beskerming teenoor jou. Dit is sy belofte aan ons. Gaan leef vandag en elke dag hierna met dié stuk vrede in jou hart. Hou my styf vas, asseblief, Here.

Rosetta se goeie wense: Toe die dag begin ...

het ek in stilte gebid, 

want die SONSOPKOMS sê vir my:
"Ons Skepper het nog 'n dag se GENADE oor ons uitgestort."

Rosetta se goeie wense: Toon liefde aan mekaar

Hoe klein is ons aardse wêreld nie teen U Groot Skepping, 

hoe sinloos is ons gejaag 

en hoe kortstondig is ons lewens.
Leer ons waaroor die lewe en die Ewigheid werklik gaan,

laat ons die klein dingetjies meer begin waardeer.
Kom ons toon net liefde aanmekaar, 

die lewe is kort. 

Die dag van môre is nie vir almal bestem nie, 

maar hoe sal ons weet?

Rosetta se goeie wense: Droom groot ...

Mag die vrede en varsheid

van die Heilige Gees

jou drome en gedagtes oorheers.

Mag daar rustigheid in jou hart wees

en antwoorde op jou gebede.

Mag God se liefde jou koester

en al jou drome waar word.

Droom groot, want jou God is groot.

Rosetta se goeie wense: Sielsvrede

Mag elke sonsopkoms

vir jou 'n takkie sielsvrede

gee vir 'n geseënde dag.

Rosetta se goeie wense: Soet vrede vir vandag

Mag die soet vrede

van ons Vader jou

vandag omring.

Sy blydskap jou wese vul en

in jou hart 'n loflied weerklink!

Rosetta se goeie wense: Liefde en vrede

Mag jou dag gevul wees

met die wonderlike aroma

van Jesus se liefde en vrede!

Rosetta se goeie wense: Krag in Sy Heilige Naam

Daar is soveel krag
in die Heilige Naam
van Jesus!

In sy Naam is daar genesing

herstel, vrede en liefde!

Mag hierdie krag 

ook vandag deel word

van jou lewe!

Rosetta se goeie wense: Hoop

Mag jou hart gevoed 
word met liefde,

jou siel met geloof,

en jou binneste met vrede,

dan sal jou menswees

versadig wees met hoop.  

Rosetta se goeie wense:

Mag ons vandag die diepte van Sy raad,
die krag van Sy heerskappy,
die liefde van ons ewige Vader,
en die vrede wat Hy alleen kan bied, ervaar.

Rosetta se goeie wense:

Mag die vars bries

nuwe krag, moed en hoop

saam met vreugde en vrede

by jou venster inwaai.