Ruben se boekoortrekboodskap

Liewe Maats

Ek is só besig, ek kan my nie draai nie. Ek het die gelukkige lootjie getrek om boeke oor te trek! Ek kon dit nie glo nie ... maar in hierdie week het ek al gevorder tot 'n boekoortrekdeskundige en dink ek daaraan om volgende jaar met my talente tot my finansiële gewin te woeker. As ek na die stapels en stapels boeke op die tafels voor my kyk, weet ek dat daar hierdie week nie sprake van 'n middagslapie gaan wees nie. Die klimaatsverandering in Kimberley het 'n berg gebaar ... 'n boekeberg.

Die laerskooloutjies se boeke is my verantwoordelikheid en die hoërskoolleerders kan by my in die ontspanningsaal kom sit en boeke oortrek - ek waardeer enige vorm van geselskap en onthou ek is die hulpvaardigheid self - altyd bereid om 'n helpende poot uit te steek. 

Maats, onthou dat die ywer, entoesiasme en kreatiwiteit waarmee jy jou boeke nou oortrek, jou hele jaar gaan beïnvloed. Jy gaan elke dag vir 4 kwartale, ongeveer 200 skooldae, met hierdie boeke werk. 'n Mooi oorgetrekte boek, met netjies gevoude hoekies en 'n motiveringspreuk op die buiteblad, het 'n manier om jou tot hoër hoogtes aan te por. Ek weet! Ons klompie in Petrusburg het baie moeite met ons skryfboeke gedoen. Dit was dikwels die enigste kleur in die vaal stowwerige Vrystaat. Daardie helderkleurige boeke het in ons punte neerslag gevind. Gaan lees maar van die plattelandse skooltjies se goeie uitslae - die koerante is vol daarvan. Ek is juis so trots op Nthabeleng Malakoane van Rantsane Secondary School se uitslae. Sy het 'n allermintige 10 onderskeidings behaal. Sy het hard en toegewyd aan haar drome gewerk. 

En hierdie is my boodskap vir die eerste dag van 2025. Skryf jou droom vir hierdie jaar neer waar jy dit elke dag kan sien. Werk soos Nthabeleng sonder ophou aan daardie droom - begin sommer vandag met die oortrek van jou skryfboeke - die boeke waarin jou droom weerspieël word ... 

Kom kuier vir my terwyl ons die boekeberg van 2025 wegwerk, dis altyd goed om idees uit te ruil en gedagtes te wissel.

Mag 2025 se skooljaar vir elkeen van julle spesiaal en vol vrolikheid wees.

Ruben-groete tot 'n volgende keer.

Binnekringnuus: Ons huisbiblioteek in wording

Bibspreekbuis: "Ons klomp is super opgewonde omdat ons 'n huisbiblioteek in die ware sin van die woord gaan hê. Ons is besig om die boeke te sorteer. Daarna gaan ons dit groepeer, klassifiseer, sodat ons dit net makliker kan beheer. Iets wat elkeen sal moet aanleer, is hoe om boeke te waardeer, want dit sal definitief ons brein stimuleer, sodat ons makliker kan leer en wie van ons sal dit nie waardeer? Spikkels het hoeka gesê dat sy vir ons gaan help met spelwoorde en sinsbou en dalk 'n studiemetode of twee, maar eers moet ons begin lees. Hou hierdie ruimte met 'n arendsoog dop vir die na-foto's."

'n Stokperdjie vir die vakansie

Hi julle maatjies in die Noord-Kaap

My naam is Portia Kgopodithata. Ek is 9 jaar oud en die 9de April word ek 10 jaar oud. Ek is in Aurora Primêre Skool in Welkom. Vakansies kan baie lank raak as 'n mens niks het om te doen nie en waar ons bly, is daar nie baie maatjies nie. Maar ek het 'n heerlike stokperdjie. Ek herwin papier. So,ek help sommer die aarde met hierdie projek van my en ek help van die kleiner plattelandse skooltjies in die Noord-Kaap waar dit so baie droog is en waar die inwoners swaarkry. Skryfbehoeftes en skoolboeke is duur. Ons moet alles self koop.  

Ek maak boekies en dan plak ek 'n oulike plakker en 'n naamplakker op, voordat ek dit vaskram. Dit vat nogal lank om by die eindproduk te kom,

maar ek hou baie daarvan. Ek het verlede jaar amper 'n 1000 boekies help maak, maar hierdie jaar is ek alleen. Ek gaan die boekies tel en later vir julle laat weet hoeveel ek al sover gemaak het.

Ek probeer om elke dag meer boekies te maak as die vorige dag. Ek begin sommer al 8 uur in die oggend, maar so 'n dag kan lank raak hier na 5 uur se kant toe. Maar ek hou daarvan.

Geniet julle vakansie en onthou om iets vir die aarde te doen - ons moet almal groen dink.

Gee kinders vlerke ...

Aktiwiteitsboekies deel 1

Besigblyboekies Voorskool

Aktiwiteitsboekie vir vakansies.

Paasverhaalkoekies

Bible Games

Further information

Dankie Christelle Hattingh, Karin Herbst en Nerine Oosthuizen wat hierdie boekies met Koester Karos gedeel het. Dit word opreg waardeer. Klik op die prentjie of glimwoorde om die boekie in OneDrive oop te maak. Dit vat 'n paar sekondes om oop te maak. Wees maar geduldig. Gebruik dan die pyltjies aan die onderkant om deur die boek te blaai.

Party boekies is meer op die ouers gerig en sommige boekies se heerlike aktiwiteite is meer na agter.

ONTHOU om 'n draai te maak by die "IDEES VIR TUISBLYKINDERS tydens Covid-19-bladsy."

Aktiwiteitsboekies deel 2

 Games and Activities

 It's Fun to Eat Fruits and Veggies

 Helping your preschool child

Activity Book (3-4 years)

Dankie Christelle Hattingh, Karin Herbst en Nerine Oosthuizen wat hierdie boekies met Koester Karos deel. Dit word opreg waardeer. Klik op die prentjie of glimwoorde om die boekie in OneDrive oop te maak. Dit vat 'n paar sekondes om oop te maak. Wees maar geduldig. Gebruik dan die pyltjies aan die onderkant om deur die boek te blaai.

Party boekies is meer op die ouers gerig en sommige boekies se heerlike aktiwiteite is meer na agter. Blaai dus die boekie deur tot aan die einde.

ONTHOU om 'n draai te maak by die "IDEES VIR TUISBLYKINDERS tydens Covid-19-bladsy."

International Children's Book Day

First celebrated in 1967, International Children’s Book Day is held on the 2nd of April every year in order to promote children’s reading and books.

Helping to bring their imagination to life, books inspire, educate and encourage children to exercise their mind. International Children’s Book Day 2020 is designed to do just that and celebrate reading.

Reading books can help a child to learn and develop, and this can be difficult in certain parts of the world due to deprivation.

Benefits of International Children’s Book Day

The benefits of taking part in International Children’s Book Day are synonymous with the benefits of reading as a whole. Some of them include:

1. Brain exercise - reading engages and exercises the brain, helping it to better make neural connections.

2. Vocabulary improvement - the amount of terminology that a child uses and possesses can increase with regular reading.

3. Empathy and imagination - reading opens children up to new horizons, helping them think outside the box and engage with the outside world in ways they had not done previously.

4. Morale improvement - it should not be forgotten that reading is fun! Taking part in it will boost a child’s morale and uplift their mood.

(More information)

Gee 'n tweede lewe vir jou boeke

Bring gerus al u klaar gelese boeke, kinderboeke en tydskrifte na Kindersorgkantore of kontak ons gerus en ons kom haal die boeke. Daar is 'n geweldige behoefte aan leesstof in die kleiner dorpies in die Noord-Kaap en ons kan ook die leesdroogte verlig deur 'n daadwerklike bydrae.

Reik uit, raak betrokke en wees 'n boekvriend vir diegene in die Noord-Kaap.