Ruben gesels oor wilde diere langs die pad: Wildehond (Lycaon pictus)

Maats, die wildehond lyk baie soos 'n gewone hond, maar anders as die ander lede van die hondefamilie het die wildehond vier in plaas van vyf tone. Die wildehond het 'n massa van omtrent 25 kg, dit wil sê, omtrent soos dié van 'n redelike groot hond (die wildehond is meer Tommie se grootte - ek het 'n bietjie my gewigsgrense oorskrei, maar dit is omdat ek deesdae so lank voor die rekenaar sit.) 

Die dier is 'n redelike groot vleiseter met 'n massiewe kop amper soos dié van 'n hiëna, dog met 'n slanker liggaamsbou. Die bene is lank en dun en die ore baie breed en rond amper soos dié van 'n vlêrmuis. Die snoet is gewoonlik swarterig met 'n mediane swart lyn op die voorhoof en tot agter die nek, dikwels met 'n ligte bruin kol. 

Die beharing is grof en kort en vertoon 'n eienaardige en treffende patroon. Hulle is oorwegend wit met geelwit, swart en skakerings van bruin vlekke oor die hele lyf. Die reuns is donkerder as die tewe. 

Die diere lewe in troppe van gewoonlik 10-15 diere wat saam jag en kossoek. Die prooi word gejag en in die hardloop verskeur. Hulle gebruik hoofsaaklik hul reuk- en sigsintuie vir jag en hulle val meestal hoefdiere aan. Die leier van die trop kies 'n prooi, meestal 'n swak of siek dier, uit, waarna die trop hom volg.

Wildehonde jag in goed georganiseerde troppe; sommige van hulle bly kort op die prooi se hakke, terwyl die oorblywende deel van die trop op hul gemak volg, totdat die voorstes begin moeg word, waarna hulle dan weer in beweeg totdat hulle die prooi bereik het en hap dan stukke vleis uit die moeë dier totdat dit val waarna dit dan lewendig verslind word.

Die wildehond is beide 'n dag- en 'n nagdier. Hierdie diere, wat neig om spesie-sosiaal te wees, kommunikeer deur 'n groot verskeidenheid geluide, waarvan die meeste 'n kort blaf van alarm of opgewondenheid is, of 'n sameroepende gehuil en baie mense beskou hulle as die wolwe van Afrika. 

Hulle maak ook 'n baie eienaardige kliek-geluid met die tong.

Die diere is nie territoriaal gebonde nie en verander gedurig van verblyfplek.

Die draagtyd is twee maande en die klein brakkies, gewoonlik 2-6, word in 'n beskutte plek, meestal in digte gras of bossies of in 'n skeur, rots of erdvarkgat gebore.

[Dr. JJ Malan]

Rosetta se Woensdag-wense

Psalm 66:1-9 

So sterk is die Here dat Hy altyd in beheer van sake is. Hy gee aan ons lewe. Hy sorg ook dat niks ons onderkry nie.

Portia's Monday Blessing

Spesiaal vir jou: Kosbare gedagte

Partykeer as die min-lief-vir-myself 'n vasklouplek in my soek, dan staan ek aspris langer voor die spieël.

Dan kyk EK en EK vir mekaar, want baie-Liefhê moet net weer vir min-Liefhê herinner dat binne-in my leef nie net een vrou nie.

Ek en jy is baie vroue in ons leeftyd. Die lewe gooi sy kaarte en jy kies jou paar skoene wat jy moet volstaan.

In my kas staan my beskerm-en-voorsienskoene. Daai sole is deurgeloop om alles kosbaar bymekaar te hou en te beskerm teen storms, koue, lelik en min. Ook 'n vrou wat uitgaan, bymekaar maak en voorsien aan alles en almal wat aan jou toevertrou is.

Langs hulle staan my liefhêskoene.
Ooo ... my liefhêskoene.
Daai onvoorwaardelike paar skoene wat ek en jy volstaan.
Ons het sò lief dat ons soms net met ons nerf-af harte in ons hande bly staan.

Daar binne is ook 'n vegtersvrou.
Die vrou wat baklei het vir alles wat sy wil hê. Wat moes leer baklei al wou sy nie. Die een wat haar swaard sal uittrek sonder om twee keer te dink. Die een met die blits in haar oë wat alles gelyk maak in haar pad.

Maar dan staan daar in my kas die paar skoene waarvan ek die heel meeste hou.
My oorlewingskoene.
Die duurste paar, afbetaal met elke les van die lewe, maar die paar wat ek dubbel en dwars verdien. Ek is spoggerig as ek hulle aantrek, want hulle is onbeskryflik mooi!

So ook is jy - die een in die spieël - as jy besef hoeveel kosbare vrouens jy binne jou dra.

Mag jy altyd weet hoe kosbaar en spesiaal jy is.
Mag jy volkome geluk en vreugde ondervind in elke nuwe dag!
Mag jy in die guns van die Allerhoogste stap -
elke dag van jou lewe!!!

[Aangestuur deur Nerine Oosthuizen]

Ruben-humor: Ouma se raaisels

* Raaisels 1
Vraag: Twee wit perde gaan heen, twee bruin perde kom terug. Wat is dit? 

Antwoord: Twee brode wat in die oond gebak word.

* Raaisels 2
Vraag: Wat het sleutels maar geen slotte nie.
Antwoord: 'n Klavier

* Raaisels 3
Vraag: Wat was was, voordat was was was?
Antwoord: ‘n Kers! 

* Raaisels 4

Hierdie is my ouma Annie se gunsteling, want niemand kon dit nog ooit regraai nie.

Vraag: ‘n Mier loop ‘n myl in ‘n uur. Hoeveel pitte het ‘n pôpô? 

Antwoord: ‘n Piesang die grootte van 'n waatlemoen

Advertensie: Huismoeder/versorger

Sluitingsdatum: 28 Oktober 2026

Rosetta se Woensdag-wense

Die les wat *GOD* my hier wil leer: 

* al maak die pad vol klippies seer en

* al moet jy op jou knieë rondgaan, 

* sal jy eendag ook op die kruin kan staan. 

* en ook die mooi beleef. 

Portia's Monday Blessing

Ruben se brief aan alle hondeliefhebbers

Liewe Maats

Ek het lanklaas die pen opgeneem om vir julle te skryf, maar 'n saak wat my baie na aan die hart lê, is fondse vir die DBV of  die SPCA soos wat ons gewoonlik daarna verwys.

Oor 'n maand, 7 November, kan jy en jou hondevriend die spesiale markdag kom bywoon. Ek wil nou nie katterig klink nie, maar as jy 'n gehoorsame kat het, wat soet in die mandjie sal bly, kan dié seker ook maar die markdag kom bywoon. Ek wil nou nie van partydigheid beskuldig word nie, maar ek voel ons honde kan 'n statement maak!

Daar gaan verskeie kategorieë wees waaraan julle kan deelneem. En hope heerlike pryse is op die spel. Bring jou hond: groot of klein, oud of jonk, slim of dom, dapper of bang, vet of maer, gehoorsaam of ongehoorsaam - daar is 'n kategorie vir elkeen van hulle. Saterdag is julle kans om met jou hond te spog soos nog nooit tevore nie.

Wat kan julle Saterdag by die Duggan-Cronin Gallery verwag:

🐶 Hondeskou-toegang is gratis.

🐶 'n Familie-vriendelike uitstappie.

🐶 Vrolike musiek en 'n ontspanne atmosfeer.

🐶 Heerlike kosstalletjies wat jou mond gaan laat water.

🐶 Stalletjies met innoverende geskenke vir die hele gesin. (Onthou: Kersfees is om die draai!!)  

As julle enige navrae het, 

kan julle die volgende nommer skakel: 084 395 7297 

Sien julle vriendelike lesers daar - moet my nie teleurstel nie.

Ruben-groete tot 'n volgende keer.

Rosetta se Woensdag-wense

Mag jy so na aan Hom loop,

dat jy altyd bokant die storm beweeg. 

Mag HY jou optel uit daardie storms 

waarin jy geval het, 

en dalk vasgevang voel.
Onthou net, jy kan val,

maar jy sal nooit laer as jou knieë val nie, 

en daar op jou knieë,

dalk met trane oor jou wange, 

daar wag Jesus vir jou. 

Met SY arms wawyd oop. 

Daar sal jy vertroosting vind.

Portia's Monday Blessing

Bottels vol liefde

Hierdie is die ideale lentedag-, verjaardag-, en einde-van-die-jaar-present wat jy vir iemand kan gee. Die ontvanger bêre die boodskap op die bottel in sy of haar hart en herkou gereeld daaraan en die soetigheid in die bottel - is elke koutjie werd.   

35 boodskapbottels met koekies vol liefde het gister hul weg gevind na die een wat dit bestel het.

Hierdie "soet" presente is op bestelling beskikbaar. Moenie te lank wag nie! 

Bestellings kan via WA geplaas word:

Christelle 060 882 9291

DANKIE vir die ondersteuning!!

Kiddies Fun Day at Christina Kiddies

Happy kids = brighter future!

Rosetta se Woensdag-wense

Wat jy aanpak vandag

doen dit met geloof.

Wat jy sê vandag,

laat dit hoop bring. 

Wat jy gee vandag,

gee dit met 'n oop hart.

Leef liefde!

Dit verander alles.

Market for charity: 3 October 2026

Market Details

Next Date: Saturday, 3 October 2026

Time: 09:00 – 14:00

Location: McGregor Museum, Atlas Street, Kimberley

Cost: Free entry

Stall Bookings: Contact 084 395 7297

Charity Drive: We need your help, Kimberley!

Please help and donate what you can!!!

Portia's Monday Blessing

Saterdaguitstappie: 'n Koskarnaval

Christina Kiddie se inwoners het 'n heerlike Saterdagbederf ontvang. 

Hulle is uitgenooi na die koskarnaval by St Mary Saal.

Kom wees deel van hierdie vreugdes vanaf 09:00 tot 15:00!

Gelukkige mense is mense wat hul honger gestil het by die koskarnaval.

Erfenisdag 2026

Foto's: Sanette Hansen

Ruben gesels oor wilde diere langs die pad: Tierboskat (Leptailurus serval)

Maats, hierdie dier lyk nogal baie soos 'n tamaai-groot huiskat. Die tierboskat is baie lenig gebou en die kop is proposioneel klein met groot, ovaal regop ore. Sy bene is besonder lank en die stert kenmerkend kort, nie langer as 'n derde van die liggaams- en koplengte nie. Die stert het, soos die jagluiperd, swart ringe vir die grootste gedeelte behalwe naby die aansluiting by die liggaam, waar daar meer swart kolle voorkom. Sy lyf is versier met kolle op 'n dof-bruin pels; die kolle verander in strepe op sy rug en bene.

Die tierboskat is oorwegend 'n nagdier, maar word ook soms in die dag aktief aangetref. Hulle lewe van verskeie klein diertjies soos soorte akkedisse, knaagdiere, rietmuise, hase, voëls, veral tarentale, tot selfs duikers en oorbietjies.

Ongelukkig kan die tierboskat geweldige skade onde pluimvee en kleinvee aanrig en word dan meedoënloos gejag of vergiftig.

'n Wyfie se werpsel bestaan gewoonlik uit ±3 kleintjies. Daar word gewoonlik geboorte gegee in 'n ou erdvarkgat of ystervarkgat of in 'n redelike diep skeur in die rotse.

Die roep van die tierboskat is 'n hoë-noot, kla-agtige geskreeu - "how-how-how-how." 

[Dr. JJ Malan]