Banghartmense

Aan julle, my vriende, sê Ek: Moenie bang wees vir dié wat die liggaam doodmaak en daarna niks verder kan doen nie. (Lukas 12:4)

Ons het vreesmense geword:

Ons vrees ons gisters,

vandags en môres.

En ons het rede daarvoor:

Die lewe wys ons dikwels

sy slegte kant.

Ongevraag. Onverwags. Onbeman.

Nou loop ons met ons bang harte

en leef net skuifel-skuifel

soos bietjies-bietjies mense,

té bang om voluit te lewe,

want sê nou net?

Vergewe ons ons vreesgelooflewens, Here, en help ons onthou:

Daar's 'n God - 'n almagtige God -

wat álles onderhou. My en jou!

Bron: Woorde wat leef - Mini Bybeldagboek - Milanie Vosloo

[Dankie, Marguerite, dat jy sulke kragtige boodskappe met die personeel voor werk gedeel het.]