Gedig

Ken jóú huis ook die eksamenatmosfeer?

Met kinders tog so opgewerk:

een glo vas die eksamenrooster

is só opgestel om háár te benadeel.

Ek is die een wat oral móét help.

Ek buk oor en verduidelik

maar word gekap:

"Dis net 'n 60%-antwoord, Ma!

Ek soek méér!"

Vergeet my eie stapels merkwerk

Eintlik soek ék ook meer

DeVerra Vollgraaff

[Bron: Klasgids 45:3 Augustus 2010 bl. 58 - klik HIER vir die jongste Klasgids] 

Rosetta se goeie wense:

mag ons ons vandag daarop toespits
om optimisties te wees en nie pessimities nie.

Dinsdaggedagtes van Katelyn Marais

Maandagmotivering

'n Spesiale dankie aan Kelrn MTB Classic 2024

Aan al die hartsmense van Kelrn MTB Classic, dankie dat ons by Christina Kiddie Kinder- en Jeugsorgsentrum deel van die groter prentjie en plan kon wees. Dankie is só 'n klein woordjie, maar daar bestaan nie 'n ander woord om die grootsheid van KJSS se dankbaarheid vas te vang nie. 

Hierdie ruim skenking dra by tot die verskil wat ons aan elke kosbare inwoner se lewe kan maak. 

Mag julle beker van seëninge en vreugde oorloop.

Kelrn MTB Classic Wheels for Charity - 2024

Die NG Kerk Barkly-Wes se lidmate is ysters as dit kom by pannekoek bak, ontbytbroodjies en hamburgers maak. Dis 'n belewenis om die mense in aksie te sien. Hou Barkley-Wes se sosiale kalender dop en kom vergewis jouself van hierdie wenspanne by Kelrn MTB Classic, Wildeklawer en kerkbasare!

'n Ongelooflike fees met 'n heerlike atmosfeer en gees. Vir baie voete was dit hulle 11de keer dat hulle die fees bywoon, maar vir ander was dit 'n eerste keer. Ongeag een of elf - almal voel dieselfde - ons kan nie wag vir 2025. 

Wat 'n onvergeetlike naweek vir elkeen wat daar was. Trek solank 'n kring om volgende jaar se kalender.

Foto's: Christelle Hattingh

Gedig: Noudat jy skool verlaat

wil ek ten slotte sê:

gaan dan, my kind

vind jou geluk

omhels die reënboë

ontdek die skatte, jou talente

werk met emmersvol passie

leef voluit soos outobiografieë

luister na jou hart

wees iemand se hart se punt

plant 'n boom

pluk die dag

skilder Monet momente

speel in tuine

droom sonnette

lag blink soos 'n stroom

bid en bly glo

soek, jy sal vind

en slaap uiteindelik

sag, vrind.

Kobus Grobler

[Bron: Klasgids 45:3 Augustus 2010 bl. 58 - klik HIER vir die jongste Klasgids] 

Portia's advice

Enjoy the Diamond Dash!

Don't miss out on this fun event!

Dear Parents

We would like to remind you that magic words such as hello, please, you're welcome, I’m sorry, and thank you, all begin to be learned at home.

It’s also at home that children learn to be honest, to be on time, diligent, show friends their sympathy, as well as show utmost respect for their elders and all teachers.

 
Home is also where they learn to be clean, not talk with their mouths full, and how/where to properly dispose of garbage.

 
Home is also where they learn to be organized, to take good care of their belongings, and that it’s not OK to touch others.

 
Here at school, on the other hand, we teach languages, maths, history, geography, physics, accounting etc. We only reinforce the education that children receive at home from their parents. 

Regards
Teacher

Rosetta se goeie wense:

Die Here jubel en juig oor jou!

Mag jy vanaand aan Hom

'n loflied bring.

Sef. 3:17 

Enter the Diamond Dash - 3 days of fun!

This will be a fun filled day with the MTB event taking center stage over distances of 13 km to 67 km. There will also be a 5 km and 13 km trail run.

Registration will open for Diamond Dash on Friday 25th October 2024 at 14:00, for Kelrn MTB Classic and running activities on event day, Saturday 26th October 2024 at 06:00 and for the Diggers Ride on Sunday 27th October 2024 at 07:00.

Enter the Diamond Dash. Click HERE for registration & entries!

This race is your ticket to a sparkling prize! 

Don't miss out on this fun!!

Dinsdaggedagtes van Katelyn Marais

10 dinge wat ELKE tiener in eksamen moet weet

(geleen by Lizel van Niekerk Conradie )

1. ‘n Ma wat karring is ‘n ma wat omgee.

2. Daar gaan altyd iemand wees wat vra of jy reg is vir die eksamen. Niemand weet regtig wat die regte antwoord hierop is nie. Vermy hulle maar eerder.

3. Vermy ook mense wat heeltyd vra: “Wat gaan jy volgende jaar doen?” Dit is soos om op jou verjaardag te vra wat jy vir volgende jaar se verjaardag beplan.

4. Rekeningkundevraestelle is gemaak om nooit te balanseer nie.

5. Harde lekkers in ‘n eksamenlokaal is net so erg soos iemand wat heeltyd praat in ‘n fliek.

6. Een pen is te min, twee penne is veilig, tien penne is gretig.

7. Calculators sal heeljaar werk ... tot die dag van die eksamen. Koop ekstra batterye.

8. Eet iets voor die eksamen. ‘n Grommende maag is soos ‘n lastige kleurblind eks wat nie die blou merkies op whatsapp kan sien nie - dit hou nie op nie.

9. Dit is makliker om water in ‘n sif op te vang as om minute voor die eksamen nog nuwe dinge te probeer leer.

10. As jy ‘n break wil vat doen dit. Probeer iets te doen wat nie veel breinkrag vereis. Soos om die kat te kam.

Bonuswenk! Daar is twee tipe mense wat net op jou senuwees gaan werk: dié wat voor die tyd sê hulle het niks geleer nie (al kry hulle altyd volpunte vir die toets), en dié wat na die tyd al hul antwoorde vergelyk met ander mense se antwoorde. Vermy hulle.

Onthou: jy gaan fine wees!

BAIE VOORSPOED EN STERKTE MET DIE EKSAMEN !!!

(Krediet: DR OWEN)

Maandagmotivering

Jesus-taal

"Antie! Antie!" hoor ek iemand agter my roep.

Ek stap in die stofstrate van Rehoboth, suid van Windhoek in Namibië. Ek steek vas. Kyk om. 'n Klein vuil seuntjie hardloop na my toe. Ek kyk die kind. Ag Vader, hoekom is die kind so verskriklik lelik, dink ek. Sjoe, iewers het hierdie reseppie lelik verkeerd geloop.

"Hello, my kind".

"Hello, Antie. Kan ek Antie se kitaar dra? Ek het Antie gehoor sing."

Ek haal my kitaarsak van my skouer af en haak dit oor syne. Kaal gebarste voetjies loop 'n paar treë in stilte. Hempie knoop af. Broekie se gulp stukkend, aanmekaar gesit met draad."Antie?"

"Ja, my kind?"

"Antie sing mooi. Ek was vol mossievleis. So straight mooi soos my ma sê. Wie het vir Antie daai mooi stem gegee?"

"Seker maar Jesus, Seun."

"Ja, Hy het vir my ook een gegee."

Ons loop. Weer dink ek aan die kind se lelike reseppie wat oral oor sy gesig geskryf is. Regtig Jesus?

"Wil Antie my hoor sing?"

Dalk maak sy stem op vir die gebrek aan skoonheid, rol dit deur my gedagtes.

"Asseblief, Seun".

Hy gee my kitaar terug. Hy kry pose sodat hy sy moves saam sy lied kan maak. Hy kyk my eers in die oë en maak seker hy het al my aandag en hy begin sing met 'n breë glimlag:

Jesus het my mooi gemaak,

Jesus het my mooi gemaak,

my kop, my tone, my hande my voete,

Jesus het my so mooi gemaak.

Ek hurk. Here, Here, wees my, sondaar, genadig! Die trane vloei oor my wange, meng met die stof van Rehoboth se strate.

"Seun, kan jy my vergewe vir my lelike gedagtes, asseblief? Jy is só mooi."

"Antie, ek weet nie wat Antie gedink het nie, maar Antie se oë praat nou Jesus."

Ek haal my kitaar uit. Die wysie is maklik. Ek slaan die kitaar en hy jive uitbundig sy moves in Rehoboth se stofstraat met boude wat boep staan. Ek jive saam soos 'n kind: "Jesus het ons mooi gemaak ..."

Ek kyk sy gesiggie en ek sien sy glimlag praat Jesus ...

Mag jou oë ook Jesus praat met almal met wie jy vandag in aanraking kom - liefde en omgee. Hoeveel keer is ons ook skuldig aan sulke gedagtes ... 

[Skrywer onbekend.]

My gedagtes: Plant vandag 'n boom

Te midde van die krisistye waarin ons leef wat gekenmerk word deur onrus, groot onsekerheid, bloedvergieting, beskuldigings, en teenbeskuldigings, wanneer swaarmoedigheid oor die toekoms dreig om ons te oorweldig, depressief te maak, het ons nodig om 'n daadwerklike positiewe daad te doen.

Al die slegte dinge dinge wat met my gebeur en rondom my gebeur, spoor my aan tot 'n nuwe begin.

Die plant van 'n boom beteken ons plaas die swaarkry agter ons, en ons gaan die toekoms met optimisme tegemoet. 

Martin Luther het gesê: “As ek weet dat Jesus môre kom, sal ek vandag nog 'n boom plant.”

Kom ons plant elkeen vandag 'n boom vir die Suid-Afrika van môre. 

Ruben dink terug aan sy matriekjaar en gee padlangs raad vir die graad 12's

Liewe Maats en al my graad 12-vriende

Ek het besluit om my goeie wense vandag, julle amptelike laaste dag by die skool, oor te dra. Ek het 'n paar van julle raakgeloop in julle getekende hemde en groot smiles. By 'n paar het ek stilgestaan, my stert geswaai en 'n paar lekker uitbundige blawwe gegee sodat julle weet ek dink aan julle. Ek verstaan julle gesplete gevoelens op hierdie stadium. Julle is só bly en opgewonde, want amptelik is skool iets van die verlede - vir altyd, maar die oomblik as julle aan Maandag se twee vraestelle dink is julle aan die eenkant bly dat dit nie wiskunde is nie en aan die anderkant is 6 ure se vraestelle 'n dodelike sit wat bepaald in die nie-eksamen-fiks-gebeentes gaan inklim.

Op 'n ernstiger noot - die jaar is verby, nog net die laaste hekkie van julle graad 12-wedloop en dan is julle in die pylvak. 15 Januarie word die lint gebreek as julle uitslae bekend gemaak word. Dan is dit jy en die grootmenswêreld daar buite.

Ek kan nie help om aan my matriekjaar terug te dink nie. My matriekjaar was vir my 'n heerlike ondervinding. Ek het geleer om baie leerwerk in 'n kort rukkie baas te raak, goed op te let in die klas - die enigste rede was dat my leerwerk by die huis dan die helfte minder was. Ons was so baie kinders by die huis en ons moes elke dag ons kant bring - tuinwerk, gras sny, hout kap, ens. Teen die aand as alles rustig geword het, was die tyd vir huiswerk relatief min - ons almal moes om die kombuistafel sit met die kers in die middel van die tafel onder ma se wakende oog aan die onderpunt van die tafel. En as jy nou vir ma die bont hond wou inmaak, moes jy onderlangs knor of blaf.

Ek het by die skool geleer om leiding te neem by die ACSV en die skaakklasse en al hierdie ondervindings en vaardighede wat ek geleer het, het ek my eie gemaak en in my hart gebêre vir later. Ai, Maats, by die huis kon ek nie waag om leiding te probeer neem nie, my twee ouer broers het my dadelik met die grond gelyk gemaak en dan het Maggie, my ousus - my g r o o t ousus - sommer die vloer met my gevee. Met my eerste werk kon ek nog naweke by my ma-hulle gaan kuier, want ek het net tydelik by tannie Ethel, die afgetrede kostertannie gaan bly. Daar het ek besef hoe goed my onderwysers my vir die toekoms voorberei het.   

Weet julle wat vir my ironies is? Hierdie tyd van die jaar is niemand meer lus vir leer nie. Ons is opgeleer en al die ekstra klasse het die laaste druppel energie uit jou lyf getap. En nou moet jy die belangrikste eksamen van jou lewe aanpak. Jy voel amper asof jy op outomaties is: reageer soos van jou verwag word sonder om te dink. Om te voel of jy alles wat jy klaar geleer het, vergeet het, is normaal. Om te voel asof die eksamen nooit gaan begin of ophou nie, is ook normaal. Om te voel asof almal en alles jou irriteer (veral by die huis), is beslis ook normaal. (Veral as ma kort-kort oor jou skouer loer om te sien of jy nog steeds op dieselfde bladsy sit. Ek het baie later eers besef dis ma-liefde, 'Skuus, Ma.) Hou net kop, bly gefokus en moenie iemand se kop afbyt nie. Dit verg selfdissipline.

Die einde is in sig, en al waaraan jy op die stadium wil dink, is wat alles volgende jaar voorlê. Exciting dinge! Nie boring goed soos bepaal x as y ..., of skryf ‘n opstel oor sinvolle kommunikasie in die hedendaagse families nie.

Om gespanne te voel is normaal. Matriek is 'n jaar vol spanningsfaktore en aan die einde van die jaar kan dit nogal oorweldigend raak. Praat met iemand wat jy kan vertrou. Klou aan jou drome vas, moenie dat spanning, stres en huiskonflik jou droom steel nie. Jy is amper by die wenpaal.

Wat moet jy nou doen?

Gaan sit en leer ... gaan skryf ... rus ... ontspan en begin weer leer. Herhaal hierdie roetine vir die volgende 4 weke. Jy sal oorleef ... ek het!!

Spesiale Ruben-groete!

Eksamengebed vir die matrieks van 2024

(Verwerking van Ps. 23)

Die Here is my herder
waarvoor sal ek bang wees?
Hy laat my die eksamenkamer
rustig binnegaan.

Hy verlig my verstand
Hy lei my in die kennis van geleerdheid
om Sy Naams ontwil.

Al kyk ek na die vraestel
en die vrae is moeilik
sal ek kalm bly,
want Hy is met my.

Die goedheid van my onderwysers
en wat hulle my geleer het,
sal vrug dra en ek sal leef
om Sy naam te loof
tot in ewigheid.

[Onbekend]

Vir elkeen wat bekommerd en bang is vir 2024 se eksamens na 'n vinnige jaar.

Portia's advice

Sterkte aan al die matrieks

As jy ‘n kind in matriek het, dan weet jy dat hierdie volgende vier weke van die stresvolste tye in jou kind, maar ook in jou lewe gaan wees.

* Het my kind genoeg geleer?

* Verstaan my kind die werk?

* Het my kind genoeg tyd aan akademie afgestaan?

* Moes my kind nie sy sportprogram afgeskaal het nie?

Vergeet hierdie treitervrae. Fokus op die hier en nou.

* Moenie jou kind belas met jou probleme nie.

* Skep 'n gemoedelike atmosfees.

* Maak gerus 'n ongevraagde koppie koffie.

* Verlig die atmosfeer deur sommer net lekker te lag.

Enter the Diamond Dash - 3 days of fun!

The annual Kelrn MTB Classic aims to sustainably support child welfare through the efforts of sponsors, Kelrn personnel, and public benefit organizations.

This will be a fun filled day with the MTB event taking center stage over distances of 13 km to 67 km. There will also be a 5 km and 13 km trail run.

Registration will open for Diamond Dash on Friday 25th October 2024 at 14:00, for Kelrn MTB Classic and running activities on event day, Saturday 26th October 2024 at 06:00 and for the Diggers Ride on Sunday 27th October 2024 at 07:00.

Enter the Diamond Dash. Click HERE for registration & entries!

This race is your ticket to a sparkling prize! 

Don't miss out on this fun!!

Rosetta se goeie wense:

Mag ons besef en onthou

dat elkeen van ons uniek is.

dat ons verskille die lewe interessant maak,

en dat ons mekaar aanvul,

al voel dit nie altyd so nie.

Dinsdaggedagtes van Katelyn Marais

Maandagmotivering

Stephan Joubert sê: Moenie arm mense twee keer beledig nie

By een van die hulpprojekte, waarby e-kerk betrokke is, vertel die bestuurder van ’n kinderhuis een keer vir my vrou dat mense graag ou klere aan hulle skenk. Hulle is so dankbaar as dit skoon en nog in ’n goeie toestand is. Die meeste mense doen dit so. Nou en dan moet sy sulke klere egter weggooi. Iemand het al komberse daar afgelaai, waarop huisdiere geslaap het. Dit was oortrek van hulle honde se hare. Iemand anders het gebruikte klere afgelaai, wat ongewaste onderklere ingesluit het. Boonop het hy later gebel om te vra hoekom hy nie vir sy skenking bedank is nie. Dit is hartseer dat armes partykeer twee keer beledig moet word. Hulle moet maar vat wat hulle kry, of dit nou stukkend, vuil of onbruikbaar is. Dan moet hulle boonop dankie sê ook.

In Lukas 14 verduidelik Jesus vir ons wat die regte roete is, wanneer ons weggee. Dit gebeur, wanneer Hy vir Sy gasheer tydens ’n ete sê dat as hy weer ’n feesmaal hou, dan moet hy nie sy eie vriende, broers, familielede en ryk mense uitnooi nie. Die gasheer moet dan eerder ’n feesmaal vir vier ander groepe, naamlik armes, kreupeles, verlamdes en blindes hou. Hierdie mense kan hom nooit terugnooi nie. God sal dit egter raaksien en Hy sal dit vir ewig onthou. Doen asseblief wat Jesus hier vra - doen goed aan armes. Seën hulle met goeie klere, goeie kos en met onverwagse vreugdes. Dan leef jy Jesus se woorde na wat Paulus in Handelinge 20:35 aanhaal. Ek praat van sy woorde dat dit beter is om te gee as om te ontvang.

[Dankie, ds. Stephan, dat ons hierdie kosbare, maar ongelooflik belangrike gedagte kan deel. Klik gerus HIER om noodsaaklike waarhede te lees.]

My gedagtes: Wat is my droom vir my kinders?

My droom is dat hulle nooit sal ophou om te droom nie. Meer nog, ek sal graag wil hê dat hulle sal voortgaan om nie net in hulle drome en in hulself te glo nie, maar om dit met passie na te streef, ongeag  hul ouderdom en hulle omstandighede.

Ons as ouers het 'n verantwoordelikheid om die vonk van kinderlike drome en avontuur aan die brand te hou. Kom ons droom saam en glo saam met hulle!

56 000 e-besoeke

Koester Karos het die 56 000-kerf bereik. 'n  Koester Karos-dankie vir elkeen wat die blog so gereeld besoek. Stuur gerus idees en voorstelle in - ons luister graag. Dankie vir al die positiewe kommentaar wat sommer so padlangs gestuur word.

'n GROOT DANKIE aan elke medewerker wat só gereeld bydraes stuur. Julle sterk ons hande!

• Katelyn Marais
• Liz de Koker
• Marguerite Pienaar
• Portia Kgopodithata
• Ruben (Binnekringjoernalis) 
• Rosetta Venter
• Valerie Kilian

Portia's advice

World Mental Health Day 2024

Commemoration of World Mental Health Day on 10 October is aimed at creating public awareness to make issues related to mental health a global priority. Efforts are also aimed at attracting investment support to improve treatment of mental health conditions.

Mental disorders comprise a broad range of problems, with different symptoms. However, they are generally characterized by some combination of abnormal thoughts, emotions, behaviour and relationships with others. Examples are schizophrenia, depression, mental retardation and disorders due to drug abuse. Most of these disorders can be successfully treated.

Facts about mental health:

* About half of mental disorders begin before the age of 14.
* War and other major disaster such as trauma incidents contribute to the causes of mental health disorders.
* Mental disorders are one of the most well known and treatable causes of suicide.
* Discrimination against families and people with mental disorders prevents people from seeking mental healthcare.
* There is a huge number of reports on violation of human rights to people with mental disabilities across the globe.

Enter the Diamond Dash - 3 days of fun!

This will be a fun filled day with the MTB event taking center stage over distances of 13 km to 67 km. There will also be a 5 km and 13 km trail run.

Registration will open for Diamond Dash on Friday 25th October 2024 at 14:00, for Kelrn MTB Classic and running activities on event day, Saturday 26th October 2024 at 06:00 and for the Diggers Ride on Sunday 27th October 2024 at 07:00.

Enter the Diamond Dash. Click HERE for registration & entries!

This race is your ticket to a sparkling prize! 

Don't miss out on this fun!!

Rosetta se goeie wense:

Mag ons die daaglikse uitdagings

wat oor ons pad kom,

sien as 'n geleentheid om te groei.

Binnekringnuus: Speel is die boustene vir gevorderde funksies

Ons STEEL! Ons steel op groot skaal van ons kinders! 

Elkeen van ons wat kinders nie blootstel aan speel nie, steel speeltyd by kinders. Skermtyd en TV-kyk is nie deel van speeltyd nie! Speel maak juis deel uit van 'n kind se ontwikkeling.

Hier by Christina Kiddie word die geleentheid geskep om speel-speel aan belangrike vaardighede te werk. Speel bied die geleentheid vir die ontwikkeling van die boustene wat nodig is vir hierdie meer gevorderde funksies, soos lees, skryf en wiskunde. 

Dinsdaggedagtes van Katelyn Marais

Maandagmotivering

My gedagtes: Waardeer dit wat jou kinders doen

William James sê op ‘n stadium dat : “The deepest principle in human nature is the craving to be appreciated.”

Hierdie is so ‘n basiese beginsel, maar hoe dikwels en maklik vergeet ons dit. Dit is baie moeilik en selfs onmoontlik om ‘n slegte verhouding te hê met iemand wat jou gereeld en opreg komplimenteer. Dit is ook een van die mees basiese behoeftes van ons kinders (al tree hulle so onafhanklik op.)

As hulle nie respek en waardering kry by ons as ouers nie, sal hulle dit op ander plekke soek, plekke wat gewoonlik nie baie gesond is nie. (Lees die koerante en luister nuus - dis só hartseer en tragies.) Dit is ongelukkig so dat “People are born to be a success, but conditioned to be a failure.” 

As kinders te veel hoor dat hulle stout en dom en ongehoorsaam is, begin hulle dit glo. En dan tree hulle ook so op om aan die uitsprake te "voldoen." ‘n Ouer is die grootse bron van kondisionering in kinders se lewens. Kom ons gebruik hierdie posisie met groot sorg en verantwoordelikheid. Waardering bou selfvertroue.

Koester eerder elke fase en die alledaagse vreugdes. En sê elke dag dankie vir jou hartsmense, hulle het dit nodig om te hoor.

Ruben dink aan sy kinderjare en waardeer sy oudonderwysers

Liewe Maats

Die laaste kwartaal van 2024 is reeds 'n week oud. Nou stoomroller die jaar einde se kant toe en oor minder as 8 weke is julle klaar met eksamen en is die skrif aan die muur en die punte op die rapporte!

En terwyl ons nou op die onderwerp van skool en rapporte is, ek hoop nie julle het vergeet dat dit vandag Wêreld-Onderwysersdag is nie. Ek hoop julle het Vrydag vir elke juffrou 'n dankiedrukkie gegee. Hulle doen soveel moeite, help ons, ondersteun ons en bid vir ons. By die skool is die onderwysers mos ons ouers. 

Ek in die laerskool

En eintlik is die enigste manier hoe ons regtig vir hulle kan dankie sê, is om ons huiswerk gereeld te doen, hard te leer vir ons toetse en vir die eksamen en op te let in die klas, sonder om te praat of erger nog, terug te praat.

Het julle al mooi daaroor nagedink - onderwysers is ons kinders se toekoms. Hulle maak ons gereed vir die wêreld daar buite. Baie dankie aan al die onderwysers vir jul liefde, wysheid en toewyding vir die kinders van ons land.

Ek wil graag vir my oudonderwysers in Petrusburg uit my hart uit dankie sê dat julle ons geleer het om selfstandig te dink en te handel. Dat omgee, naasteliefde en dissipline drie woorde is wat sommer in een sin gebruik kan word. Dankie vir al die ekstra klasse oor naweke toe ons vir ons belangrikste eksamen voorberei het. Vandag kan ek met trots my matrieksertifikaat vir enige werkgewer wys, want daar is nie een skaamkrypunt op daardie rapport nie.  

Dan wil ek sommer ook vir tannie Christelle dankie sê dat sy deur harde werk en daadwerklike handeling vir ons 'n voorbeeld stel. Tannie Christelle het 330 koekies in die laat ure van die aand gebak en met liefde verpak, kaartjies gemaak en geknip - amper 'n week lank - ek weet, want ek wou nie gaan slaap het, voordat tannie Christelle nie klaar was nie. Volg hierdie voorbeeld na, ook as julle die ouers van kinders is - ons leer waardevolle dankielesse!!!

 

Terug by die eksamen - daar is geen tyd meer oor om te speel nie, behalwe ... miskien ... dalk ... moontlik ... op 'n Saterdagmiddag. Maar dit gaan die uitsondering wees.

Ons moet nou handevat en mekaar help. Ons wat in dieselfde graad is, moet vir mekaar die werk verduidelik of beter nog, as jy klaar geleer het, vra jy vir jou maat vrae om te toets of hy sy werk ken. Ek onthou so goed dat ek en my suster vir mekaar vrae gevra het om te kyk of die ander een werklik geleer het. Sy het altyd vir my die moeilikste vrae gevra en as ek die derde vraag verkeerd geantwoord het, het my ma na my kant toe geblaf dat ek my werk ordentlik moet gaan leer, want ek mors almal in die huis se tyd. 

My (slim) suster

Ai, julle, dan het ek maar my boeke gevat en ekstra hard geleer. Twee dinge het vir my gehelp om die feite van die leervakke te onthou: Ek het die werk hardop gelees, sodat ek meer gefokus kon bly en die ander belangrike hulpmiddel was opsommings - ek het my werk goed opgesom in Blaffiaans en dan het ek op en af in die gang geloop en dit hardop gelees. As ek te lank op een plek stilgesit het, het ek sulke lang gape gegee en as ek my kom kry, was ek vas aan die slaap - en in groot moeilikheid. 

As ek hierdie twee riglyne gevolg het, kon my suster my nie uitvang met enige van haar moeilike vrae nie. En dan knik my ma haar kop goedkeurend en vra vir my hoekom het ek nie in die eerste plek ordentlik geleer nie, maar ai julle outjies, julle weet self dat 'n hond maar altyd kort pad wil vat en altyd

My (streng) ma

hoop vir die beste. My ma het altyd na ons huiswerk gekyk en gesorg dat ons altyd ons skryfwerk en leerwerk goed doen. Vir haar was 'n matrieksertifikaat belangriker as kos. Wat jy daarna gaan studeer, was vir jou eie rekening.  

Ek dink spesiaal aan julle met hierdie uiters kort kwartaal - mag dit net goedgaan. Druk gerus op my knoppie as ek julle kan help. My ma stuur groete en sê dat 'n goeie sessie swoeg en sweet nog niemand skade gedoen het nie.

Ruben-groete tot 'n volgende keer.