Portia's Friday advice

Dinsdaggedagtes van Katelyn Marais

Vakansie-idees: Probeer dit!

* Skryf 'n briefie, kaartjie of e-pos aan 'n onderwyser wat 'n verskil in jou lewe gemaak het. (Leef altyd dankbaar!)

* As jy iets in die kombuis mors, maak dit dadelik skoon voordat iemand daarop gly en seerkry. (Bied sommer vir jou ma aan dat jy die hele kombuis vir haar van hoek tot kant sal skoonmaak vir 'n Kerspresent.)

* Leen of gee vir iemand 'n inspirerende boek. (Die groot lekkerte lê daarin dat julle die boek kan bespreek.)

* Bring vir iemand 'n klein aandenking wanneer jy 'n nuwe plek besoek, om te wys jy het aan hom of haar gedink.

* As 'n groep mense oor iemand skinder, onderbreek die gesprek deur iets moois van die betrokke persoon te sê. (Doen dit net hierdie vakansie en voordat jy jou oë uitvee, is dit 'n gewoonte wat aansteeklik inwerk.)

* Vra jou ouers of julle as gesin 'n troeteldier kan aanneem wat nie 'n huis het nie.

* Indien jou ouers NEE sê vir bogenoemde idee, gaan werk dan by die DBV/SPCA. 'n Ekstra paar hande om hokke skoon te maak of diere te bad, is nooit te versmaai nie.  

* Pas 'n enkelma se kind gratis op sodat sy 'n aand uit kan geniet.

* Bied aan om die trollie vir iemand terug te vat nadat hulle hul inkopies in die kar gelaai het.

Dankie vir AL bogenoemde voorstelle. Julle outjies kook as dit by idees kom. Sommige voorstelle is regtig van lesers met 'n hart vir uitreik. Uitreiking het gewoonlik verrykende gevolge en ons sal dit graag hier met ander wil deel!

Kersfeesprojek verras en maak drome waar

Ons hier by Christina Kiddie Kinder- en Jeugsorgsentrum het gister opgewonde kon deel in die feesseisoen se vreugde danksy The Word Church se Kersgeskenk-inisiatief, onder leiding van Zane en Anja.

Die kinders is elkeen bederf met 'n Diamond Pavilion Mall-geskenkbewys en gisteroggend het die jongmense die inwoners mall toe geneem sodat elkeen sy of haar bewys kon spandeer op dit wat net 'n gedagte of 'n vae droom was. Die skielike waar word van drome is nog besig om in te sink tussen opgewondenheid en ongeloof. 

'n Verbaasde, maar ewe opgewonde personeel het gedeel in hierdie vreugde en 'n uit-die-hart-DANKIE vir elkeen se geskenkbewys.

Dankie The Word Church dat die ware Kersboodskap nie net lippetaal is nie, maar dat julle die pad met elkeen van die kinders loop.

Mag julle as gemeente ryklik geseën word in alles wat julle aanpak. Mag Sy goedheid en guns julle elke dag van jul lewe volg. Vreugde en seën vir Kersfees 2025!!!

Ruben-humor: Algemene vrae met sinvolle antwoorde

* Hoekom is ’n olifant groot, grys en verrimpeld?

Want as hy klein, wit en rond was, sou hy ’n Disprin wees.

* Wat kry jy as jy ‘n windhond met ’n muishond kruis?
’n Dier wat met ’n stink spoed hardloop.

* “Wat gee jy jou ma en pa vir Kersfees Jannie?”
“’n Lys van alles wat ek wil hê, Juffrou.”

* Buurman: "Koos, kom gou! Jou hond het so pas ’n man gebyt, terwyl hy op sy fiets ry!"
Koos: "Wat makeer die verbrandste hond? Ek het hom spesifiek verbied om vandag met sy fiets te ry!"

Portia's Friday advice

Dinsdaggedagtes van Katelyn Marais

Vakansie-idees: Probeer dit!

Na aanleiding van, Maandag - 6 Oktober 2025, se vakansie-idees, word die volgende idees geplaas wat so broksgewys per e-pos aangestuur is.

* Bak kolwyntjies of muffins vir iemand wat deur 'n moeilike tyd gaan.

* Skenk jou boeke wat jy nie meer lees nie, vir die biblioteek, ouetehuis of liefdadigheid. 

* Skenk kinderboeke vir 'n kinderhuis.

* Begin 'n spaarbussie vir liefdadigheid en skenk die geld na 'n jaar vir hulle. (Verstommend is die hoeveelheid geld wat 'n mens in 'n jaar gefokus bymekaar maak.)

* Reël 'n insameling van speelgoed vir minderbevoorregte kinders.

* As jy iemand is wat van tuinwerk hou en jou oupa se groenvingers geërf het, gaan bied jou hulp aan by 'n ouetehuis, kerk of jou skool om vir die liefde van die saak in die tuin te werk. Niemand sal dit glo dat enige een so hulpvaardig wil wees nie. Sleep sommer jou beste maat saam om jou te help. 

* Iets wat nie sommer gaan byval vind nie, maar wat voorgestel is: Gaan was die venster van julle polisiestasie.  

Stuur asseblief foto's vir ons hier by Koester Karos dat ons vir die lesers kan wys dat julle voorstelle nie net op papier geskryf is nie, maar dat julle tieners is wat die daad by die woord voeg!

Ruben-humor: Raaisels

* Waarin ry 'n vark hospitaal toe as hy siek is?

In 'n HAMbulans

* Waarheen word 'n siek haas geneem?

Na 'n HAASpitaal

* Wat word 'n vrolike vlooi genoem?

'n HOPtimis

* Wat is die teenoorgestelde van 'n haarkapper?

'n HOMkapper

Portia's Friday advice

Ondersteun Lize en WB se liefdesprojek

Kontakpersone: 

Lise: 063 697 3040

WB: 071 491 0057

Ruben se een minuut storie: Vat hom, Jakkals!

[Onthou om verlede week se storie te lees, voordat jy hierdie een lees. Dis goed om jou geheue te verfris, sodat jy kan sien wat Hasie weer in die mou voer.]

Party dae is Hasie glad nie waaksaam nie en is hy nie op die uitkyk vir gevare nie. Party dae vergeet hy eenvoudig om wakker en waaksaam te wees en loop dan sonder dat hy dink aan al die misdaad in die land.

Vandag is een van daardie dae. Hasie is glad te gerus. Sing-sing loop hy in die paadjie. Wirts warts vinnig om die bossies. Kyk nie waar hy loop nie; trap nie waar hy kyk nie. Skielik en onverwags! Woep! Daar sit hy. Jakkals het taai voëlent aan ‘n stomp gesmeer en dit in die paadjie neergesit. Hasie spook, maar hy sit net al hoe vaster. Hy ruk en pluk en skree.

Jakkals kom tussen die bossies uit. “Ha! Nou het ek jou, Haas!” sê hy. Sy lippe is nog altyd skeef geswel van die bysteke sodat dit lyk asof hy nie kan ophou lag nie. Jakkals het hom voorgeneem om Haas nie te vergewe vir die klomp bysteke nie. Hasie gaan beslis vandag op die Jakkals-gesin se tafel land!! 

Hasie word stil ... sommer doodstil!  

“Ja, jy het my, Jakkals,” sê hy. “Nou kan jy my maar opeet. Dis net jammer om so dorstig te sterwe. Ek was juis op pad rivier toe.”

“Nee, ons kan ‘n bietjie gaan drink,” sê Jakkals, wat hom heeltemal droëtong gehardloop het om die strik vir Hasie reg te kry. Hy pluk Hasie los van die voëllym af, gooi hom oor sy skouer en stap af na die drinkplek toe.

Ai, hoe stil en blink is die water nie. Jakkals laat sy kop sak om te drink. Maar kyk hoe ongeskik is hierdie ander jakkals! Hy druk sommer sy snoet tussenin. “Gee pad!” brom Jakkals.

“Wat is dit nou, Jakkals?” vra Hasie agter sy skouer.

“Kyk self,” sê Jakkals, en hy sit hom neer. En: “Staan soontoe!” sê hy vir die ander jakkals wat hom al weer skeef aankyk.

Hasie sien dadelik dat Jakkals met sy eie weerkaatsing baklei, maar hy sê niks nie.

“Loop weg hier!” sê Jakkals vir die derde maal, en hy wys tande, maar die waterjakkals wys terug.

“Moenie so met jou laat speel nie!” roep Hasie. “Kyk hoe staan daardie ander dier se mond soos hy jou uitlag. Vat hom, Jakkals!”

Toe Jakkals gryp, gryp die ander jakkals ook. Toe Jakkals duik, is hulle doems al twee binne in die water. Toe Jakkals verdwyn, is alles weg.

“Ha ha ha!” lag Hasie:

“Kwaai is kwaai,
en kwaai se voet:
ou Jakkals soek
sy eie bloed!”

En toe Jakkals hangstert uit die water klim, sing Hasie al ver in die paadjie af.

[Die Mooiste Afrikaanse Sprokies uitgesoek en oorvertel deur Pieter W Grobbelaar. Klik HIER vir tonekrulstories.]

Wat het ek uit hierdie storie geleer?

* Wees altyd waaksaam - op hierdie manier bly jy uit die moeilikheid.

* Jy moet altyd 'n slim manier hê om uit die moeilikheid te kom.

* Moenie jou opponent onderskat nie - eendag is eendag dan gaan jou plannetjies nie werk nie.

Dankie aan al die Desember-engele

Dr. Donald Katts: "Desembermaand vier ons nie net Kersfees nie, maar is dit algemeen die tyd vir die viering van goeie bedoelinge, welwillendheid, die bewys van genade, goeie gees en gesindheid."

Ons by Christina Kiddie Kinder- en Jeugsorgsentrum beaam heelhartig dr. Katts se woorde. Die goeie gees en gesindheid wat ons van Kimberley se kinderkoor (KCC) en Kimberley se mense ervaar het, stem ons tot diepe dankbaarheid vir Sy groot genade. God bederf sy kinders met Goddelike omgee en sorg.

Dankie dat julle aan ons gedink het en dankie dat julle met 'n oop hand na die Kersuitvoering gekom het.

Mag julle elkeen hierdie Kersfees God se onbeskryflike liefde en genade in oorvloed ervaar!

Die uitnodiging wat soveel harte

verbly het.

'n Verrassing: 'n Hartsbrief uit een van die sakke.
Dankie!!

Rosetta se goeie wense: Blye Boodskap

Desember is die laaste hoofstuk van die jaar.

Mag die Blye Boodskap elke bladsy

vul en jy die grootste geskenk Jesus,

daagliks teen jou hart vasdruk en

koester met oneindige dankbaarheid. 

Dinsdaggedagtes van Katelyn Marais

Ruben-humor: Allerlei

* Ek het nog altyd gedog my bure is oulike mense, maar toe sit hulle 'n wagwoord op hul wi-fi.

* Tagtig skoorstene plus agt skoorstene plus sewe skoorstene is gelyk aan?

Baie rook.

* Krieketspeler: "Ek het gewonder hoekom die bal al groter en groter word ... en toe tref dit my."

* In 'n boetiek

Klant: "Kan ek asseblief die rok in die venster aanpas?"

"Nee, jammer, Mevrou, ons het aanpashokkies daarvoor."

Black Friday-pryse: net vandag en môre

Beperkte voorraad @ Black Friday-pryse!!

* Klein koekies teen 'n ongelooflike

R129,99 p/kg.

* Pasteitjies teen 'n bekostigbare 

R39,99 vir 6

Bestel nou dadelik hierdie lekkernye, betyds vir Kersfees, teen 

Black Friday-pryse!

WhatsApp-bestelling: 060 882 9291

Black Friday-pryse: net vandag en môre

Beperkte voorraad @ Black Friday-pryse!!

* Klein koekies teen 'n ongelooflike R129,99 p/kg.

* Pasteitjies teen 'n bekostigbare R39,99 vir 6 

Bestel nou dadelik hierdie lekkernye, betyds vir Kersfees, teen Black Friday-pryse!

WhatsApp-bestelling: 060 882 9291

Vakansie-idees: Probeer dit!

* Kweek groente van saad in julle tuin.

* Weet jy hoe om 'n vuur te pak? Vra jou pa/oom/meneer as julle volgende keer gaan braai of jy die vuur kan pak.

* Skerp jou kennis van geskiedenis op, al hou nie daarvan nie. Google net wie die uitvinders is van 'n spesifieke item en hoe dit gebeur het en jy sal verbaas wees oor hoe interessant dit is. 'n Voorbeeld: Wie het die eerste uitveër gemaak? Wat is die oudste tydskryf op aarde?  Hoe verskil vakansies in verskillende lande en hoekom?

* Leer hoe om die grassnyer te gebruik en ook sommer om die randte mooi te knip. 

* Leer om 'n paar klimtoltoertjies te doen.

* Kan jy jou eie klere stryk? Leer hoe om te stryk voordat jy eendag jou eie nes gaan skrop.

* Leer om 'n landkaart te lees, al is daar tegnologiese hulpmiddels. Nie almal kan 'n landkaart, selfs 'n stadskaart lees nie. 

Portia's Friday advice

BLACK FRIDAY is hier! Bestel NOU!

Moenie hierdie Black Friday-aanbod deur 

jou vingers laat glip nie!! 

* Klein koekies teen 'n ongelooflike R130 p/kg.

* Pasteitjies teen 'n bekostigbare R40 vir 6 

Bestel nou dadelik hierdie lekkernye, betyds vir Kersfees, teen Black Friday-pryse!

WhatsApp-bestelling: 060 882 9291

Ruben se een minuut storie: Die Byekerk

Elke dag is so vol en besig dat Hasie mooi moet beplan hoe hy sy dae gaan inkleur. Vroeg een oggend hardloop Hasie na die berg se kant toe, en daar sien hy ’n bynes diep in ‘n klipskeur. 

“Ai!” sê Hasie: “Lekker is lekker,
en goed is goed -
en die beste lekker
is heuningsoet!”

En Hasie druk sy kop diep in die skeur om die nes by te kom, maar hy het nie geweet dat Jakkals al weer spoorsny nie. Hy sit nog so, toe Jakkals hom aan die hakskeen gryp. “Ha! nou het ek jou, Haas,” sê Jakkals, en hy wil hom sommer sy tande in Hasie se sagte vleis laat insink.

Maar Hasie het klaar geskrik. Hy sit sy brein in hoogste versnelling en dink baie vinnig. Hy weet Jakkals wag vir 'n geleentheid om van hom 'n maaltyd te maak. Gelukkig is hy strate slimmer as Jakkals en kry hy dit reg om elke keer vir Jakkals uit te oorlê.

“Sjuut, Jakkals,” sê hy. “Kan jy nie hoor my vriende hou kerk nie?”

“Waar?” vra Jakkals nuuskierig.

“Hier in die klipskeur,” sê Hasie. “Ai, hulle sing tog te pragtig!”

“Laat ek hoor, sê Jakkals, en hy druk sommer in. Dan trek hy sy kop weer uit en sê: “Nee wat, hulle kan nie sing nie. Dis net brom brom brom, al op dieselfde wysie.”

“Hulle is seker moeg,” sê Hasie. “Steek ‘n bietjie ‘n stok daar by die voordeur in dat hulle weet ons is hier. Dan moet jy hoor.”

En Jakkals gryp ‘n stok, en hy werskaf in die klipskeur rond, en toe druk hy sy kop in om goed te luister.

Nee kyk, dit was ‘n sonde. Die bye mors met Jakkals; hulle verniel hom; hulle steek hom byna dood. Hy spring om en hardloop, maar die bye het nie tyd nie. Dis net zoem tjiek! “Eina!” Zoem tjiek! Zoem tjiek! Zoem tjiek! “Eina! Eina! Eina!”

Hasie lê soos hy lag. Hy rol soos hy lag. Hy maak hom eintlik seer. Nee, Jakkals sal hom nie gou weer pla nie. Hy sal vir die volgende week heerlik kan rondloop, sonder dat hy voortdurend op die uitkyk vir Jakkals moet wees.

[Die Mooiste Afrikaanse Sprokies uitgesoek en oorvertel deur Pieter W Grobbelaar. Klik HIER vir tonekrulstories.]

Wat het ek uit hierdie storie geleer?

* Maak seker dat jou nuwe vriende nie vals vriende is nie.

* Vals vriende lyk asof hulle in jou doen en late belangstel, maar eintlik kyk hulle net waar hulle jou      

    aan die hakskeen kan byt.

* Dink voordat jy enige iets doen.

Dinsdaggedagtes van Katelyn Marais

Koop jou kleinkoekies vir Kersfees NOU - moenie wag nie!!

Kom koop nou jou kleinkoekies vir Kersfees by 

Christina Kiddie Kinder- en Jeugsorgsentrum!

Come and choose from a variety of

Christmas cookies at

Christina Kiddie!!

Ruben-humor: Allegaartjie

* Wat noem jy 'n hond wat kulkunsies doen?

'n Labrakadabrador 

* Wat eet rekenaars vir 'n versnapering?

Mikroskyfies!

* Hoekom het die man met net een hand die pad oorgesteek?

Hy wou by die tweedehandsewinkel uitkom.

* Wat het die 0 vir die 8 gesê?

Oulike belt.

Statistiek: 112 000 e-besoeke van lojale e-lesers

Portia's Friday advice

Ruben se een minuut storie: Vat hom, Jakkals, die ryperd

Jakkals is sommer smoorkwaad vir Hasie, want hy het stories by mevrou Jakkals gaan aandra, en nou het sy haar man die huis belet. Jakkals wil vir Hasie terugkry. Maar Hasie het baie planne. Op ‘n dag hoor hy Jakkals suutjies in die paadjie draf. Toe gaan lê hy in die bossies en kreun.

“Ha! Nou het ek jou, Haas,” sê Jakkals, en hy wil net spring, maar Hasie antwoord met ‘n swak stem: “Vat my maar, Jakkals. Ek is te siek om te vlug. Tel my op jou rug, dan dra jy my huis toe.”

En Jakkals dink dis glad nie so ‘n slegte plan nie. Nou sal sy vrou sommer weer vir hom goed word as hy met ‘n lekker stuk haasvleis daar aankom. Jakkals laat loop in die paadjie af, en Hasie moet net klou.

“Jakkals, Jakkals!” roep hy later, “Die vlieë pla baie. Pluk tog vir my ‘n taaibostakkie dat ek hulle kan wegjaag.”

“Ai, jy is lastig,” sê Jakkals, en hy gaan pluk maar.

Toe hulle nog van ver af na Jakkals se huis toe aankom, staan sy vrou al op die stoep om te kyk wat haar man hier kom soek. “Vrou, vrou!” roep Jakkals. “Ek het vir jou ‘n lekker vet haas gebring.”

Maar kyk, nou sit Hasie regop, en die pyne is skielik uit sy lyf, en die taaibostak is ‘n lat. “Vrou, vrou!” koggel hy Jakkals, “Ek het vir jou ‘n lekker vet jakkals gebring!” En die lat gesels oor Jakkals se blaaie, en Jakkals bokspring en galop. Toe wip Hasie van sy rug af en verdwyn lag-lag in die bossies.

“Nee, so ‘n treurige man wil ek nie hê nie,” sê mevrou Jakkals. “Waar het jy al van ‘n jakkals gehoor wat hom deur ‘n haas laat ry? Maak dat jy wegkom hier voor my oë!”

Arme Jakkals moes maar die aftog blaas, want sy vrou is regtig kwaad vir hom.

Die Mooiste Afrikaanse Sprokies uitgesoek en oorvertel deur Pieter W. Grobbelaar. Klik HIER vir tonekrulstories!

Wat het ek uit hierdie storie geleer?

* Moenie as iemand iets slegs aan jou gedoen het, hom wil terugbetaal nie. Jy gaan beslis tweede kom.

* Moenie lelike stories van iemand versprei nie - een of ander tyd gaan dit jou inhaal.

Rosetta se goeie wense: "n Seker wete ...

Jou Vader is getrou in sy liefde en beskerming teenoor jou. Dit is sy belofte aan ons. Gaan leef vandag en elke dag hierna met dié stuk vrede in jou hart. Hou my styf vas, asseblief, Here.

Dinsdaggedagtes van Katelyn Marais

Ruben-humor: allerlei vrae

* Hoekom leef party visse in soutwater?

Want peperwater sal hulle laat nies.

* Hoekom is koalas nie regte bere nie?

Hulle het nie al die koala-fikasies nie.

* Het jy die grappie gehoor oor die koppie tee?

Dit was maar flou!

*  Ädriaan, hoekom het jy jou teddiebeer in die vrieskas gesit?

"Omdat ek 'n ysbeer wil hê." 

Portia's Friday advice

Ruben se breinbrekers

1. Mnr. Johnson is 45 jaar oud en sy seun 13. Oor hoeveel jaar sal mnr. Johnson 3 keer so oud soos sy seun wees?

2. Lerato en Ken het albei hamsters. As Ken een van sy hamsters vir Lerato gee, het hulle albei dieselfde aantal hamsters. Maar as Lerato een van haar hamsters aan Ken gee, het hy tweemaal soveel hamsters as sy. Hoeveel hamsters het elkeen?

3. Kan jy deur slegs die syfer 8 te gebruik, 'n som maak met die antwoord van 1 000.  

Probeer eers self die antwoorde uitwerk voordat jy na die antwoorde hieronder kyk.

ANTWOORDE

1. Oor 3 jaar. Mnr. Johnson sal dan 48 wees en sy seun 16.

2. Lerato het 5 hamsters en Ken het 7. As Ken een van sy hamsters aan Lerato gee, het sy ses. Gee Lerato een aan Ken, het Ken 8, dus dubbeld soveel as Lerato wat net 4 oor het.

3. 888 + 88 + 8 + 8 + 8 = 1 000

Rosetta se goeie wense: Byt vas ...

Byt vas, liewe mens! Onthou altyd dat die Here sterk is juis wanneer jy swak is en dat Hy jou vashou wanneer jy laat los.

'n Volle handvol kersies

Die week begin sommer met 'n verjaardagmaatjie. 'n Heerlike seuntjiekoek word in die eetsaal vir *Johan gegee en blikke van bewondering swiep oor die koek. 

'n Koek met 'n ruwe Safari-roete en vier karretjies daarop is die rede vir 'n vyfjarige seuntjie se sterre in sy oë.

Daar is geen twyfel dat sy verjaardag 'n baie spesiale dag op sy 2025-almanak is nie.

In Ruben se woorde: "Vreugde vir jou nuwe lewensjaar!" 

Dinsdaggedagtes van Katelyn Marais

 

Binnekringnuus: Matilda Muis

Interne korrespondent: Matilda Muis het 'n besige dag agter haar blad. Gelukkig kan sy helpers uitstuur om haar te help. Sy loop elke aand baie laat op haar tone van kamer tot kamer om in elke inwoner se skoen te loer of daar dalk 'n tandjie is. Dan, net om seker te maak dat sy nie iewers 'n fout gemaak het nie, stuur sy haar helpers uit om te gaan seker maak. Hulle is nog nie so ervare nie en eintlik is Matilda Muis besig om hulle in die tandebesigheid op te lei. 

Eerstens is dit belangrik om baie saggies op hul tone te loop. Daarom hulle oefen elke dag na ontbyt in die kombuis om saggies te loop. En as Matilda Muis net 'n effense geluidjie hoor, moet hulle van vooraf begin. Die groot geheim vir 'n tandemuisagent lê in hoe hy loop.

'n Ware tandemuis beweeg onhoorbaar - en dit verg baie oefening en baie geduld.  

Die tweede belangrike punt om te onthou is om altyd waaksaam te beweeg. Matilda Muis wil nie hê dat een van haar agente katkos of hondekos moet word nie. By Christina Kiddie is dit werklik 'n uitdaging om lewend van jou sending af terug te kom. Met Ruben, die hoof van sekuriteit en sy energieke kleinboet, Tommie, is elke sending 'n nagmerrie. Dan is daar natuurlik Krummels - gelukkig slaap Krummels die meeste van die tyd voor die televisie en is sy minder van 'n gevaar as haar Petrusburg-huisgenote. 

Die derde belangrike punt is om te onthou in watter skoen jy die tandjie gekry het, want die briefie en geldjie moet by die regte persoon afgelewer word. En deesdae met die skoolskoene wat almal eenders lyk, is dit ook 'n uitdaging. 

So lei Matilda Muis haar melktand-agente op met die presisie van 'n AI-robot.

 

Sy skryf elke briefie self. Sy hou daarvan om nog steeds persoonlike kontak met haar klante te hê. Dan neem sy een van die jongelinge saam met haar as sy die briefie in 'n skoen gaan sit, met die monetêre waarde styf in haar regterpoot vasgeklem.

Gister moes een van die inwoners se kiestand getrek word. Matilda Muis het hom só jammer gekry, maar was terselftertyd baie opgewonde. Dit was regtig 'n groot tand vir 'n tienjarige outjie. Sy wou vir hom 'n ekstra geldjie gee om te kompenseer vir die pyn, maar toe besef sy dat daar 'n yslike gat in die tand is en toe is sy reguit tuin toe met daardie tand. Matilda het haar hen-met-die-kuikens in daardie tand geplant en op haar voorstoep gesit.

André se tandjie was 'n spierwit gesonde tandjie en sommer baie werd vir Matilda. 

Sy het vir elkeen 'n briefie geskryf en die geld in 'n sakkie gesit en vir haar melktand-agente gevra om baie subtiel die sakkies by die onderskeie huismoeders te gaan afgee.

Groot was tannie Christelle se verbasing toe die twee skenkers vir haar kom vertel van die briefies en die geld wat Matilda Muis in die sakkies gesit het. 

'n Bewys dat tandemuise bestaan en aktief agter die skerms werk.   

Ekstra klasse voor die eindeksamen!

Skoolhoof van Christina Kiddie Primêre Skool aan die woord: "Ons het besluit om die skool toe te rus met 'n alarmstelsel en CCTV-kamerastelsel voor die skool se formele opening. Sekuriteitskameras in skole en publieke areas het die hedendaagse norm geword. Leerders voel veiliger en ons het lankal aanvaar dat kameras deel van ons daaglikse lewe is. Dit is met groot genoegdoening dat ons kan sê dat op dag 2 het die leerders reeds vroeg al ekstra klasse bygewoon om hulle punte vir hierdie eksamen 'n hupstoot te gee. Sommer hope sterkte vir julle eksamen en mag julle die vrugte van julle harde werk pluk."  

Foto's: Christelle Hattingh

Nuwe skool in Kimberley: Die Christina Kiddie Primêre Skool

Ontmoet die skoolhoof en adjunkhoof van Christina Kiddie Primêre Skool

Die veelsydige sekretaresse en van die leerders!

Een van die onderwyseresse en kinders hard aan die werk!

Die kinders hard (en minder hard) aan die werk!

Foto's: Christelle Hattingh

Love and respect your both parents

What is the difference between a mother and a father?

* A mother carries you in her womb for 9 months.

* A father carries you on his shoulders for his entire life, even if you don’t notice it.

* A mother makes sure you are full with food and care.

* A father teaches you how to be prepared and strong so that you don’t go hungry, although it may take you a long time to understand.

* A mother breastfeeds and nurtures you from her breast.

* A father carries you on his back, even if you don’t always see it.

* A mother’s love is felt by you immediately from the day you are born.

* A father’s love is understood better when you become a father yourself, so wait with patience and understanding.

A mother is priceless, and a father cannot be replaced even by time.

Mothers and fathers are both important and have their own unique way of showing love.

Their love brings strength and hope to our lives ...

Love and respect your both parents.

Ruben-humor: Anderste raaisels

* Wat kry jy as jy 'n yskas en 'n kitaar kruis?

Baie cool musiek.

* Wat kry jy as jy 'n vampier en 'n onderwyser kruis?

'n Klomp bloedtoetse.

* Wat kry jy as jy 'n muishond en 'n windhond kruis?

Iets wat met 'n stinkspoed hardloop.

* Wat kry jy as jy 'n ystervark en 'n skaap kruis?

'n Dier wat sy eie truie brei.